«Մալիբու» սրճարանի տարածքում բացվել է գյուղատնտեսական մթերքների երրորդ տոնավաճառը22 դեկտեմբերի 2012 - 12:29 AMT PanARMENIAN.Net - Այսօր մայրաքաղաքի Կենտրոն վարչական շրջանում , «Մալիբու» սրճարանի տարածքում , ՀՀ գյուղատնտեսության նախարարությունը` Երևանի քաղաքապետարանի և ՄԱԿ-ի Պարենի և գյուղատնտեսության կազմակերպության օժանդակությամբ, բացեց գյուղատնտեսական մթերքների նոր` թվով երրորդ տոնավաճառը: Բացմանը ներկա էին նաև ՀՀ գյուղատնտեսության նախարար Սերգո Կարապետյանը, Երևանի քաղաքապետ Տարոն Մարգարյանը: Մայրաքաղաքի բնակիչները նախատոնական օրերին գյուղատնտեսական մթերք կարող են գնել հատուկ այդ նպատակով բացված տոնավաճառից: Գյուղատնտեսական տոնավաճառների հիմնական նպատակը գյուղացու եկամտի աճին նպաստելն է, ինչպես նաև` առեւտրի ոլորտում գյուղացի-քաղաքացի շփումը վերականգնելը: Տոնավաճառի ընթացքում իրենց արտադրանքը կներկայացնեն 150-ից ավելի գյուղացիներ` ՀՀ գրեթե բոլոր մարզերից: Նրանց համար ստեղծված են բոլոր պայմանները` առևտուրը բարձր մակարդակով իրականացնելու համար: Նրանց տրամադրվելու են անվճար տաղավարներ, կշեռքներ եւ սայլակներ ու անհրաժեշտ այլ պարագաներ: Գյուղատնտեսական երրորդ տոնավաճառը բազմամարդ էր, վաճառքի գները` խելամիտ: ՀՀ գյուղատնտեսության նախարար Սերգո Կարապետյանն երրորդ գյուղատնտեսական տոնավաճառում տաղավարներում շրջելուց հետո, լրագրողների հետ հանդիպման ժամանակ, մասնավորապես նշեց. « Ինչպես խոստացել էինք, այս տարի բացեցինք երրորդ գյուղատնտեսական տոնավաճառը, որն հնարավորություն է տալիս մայրաքաղաքի բնակիչներին առանց միջնորդի՝ անմիջապես գյուղացուց գնել թարմ մթերք, իսկ գյուղացին էլ` սեփական արտադրանքն իրացնելու լավ հնարավորություն է ստանում»: Տոնավաճառների արդյունավետության մասին խոսելով` նախարարը նշեց, որ 2012 թվականի դեկտեմբերի 20-ի դրությամբ Կասյան փողոցի վերին հատվածում կազմակերպվել է 49 տոնավաճառ, որին մասնակցել են շուրջ 876 գյուղացիական տնտեսություններ` 182 գյուղական համայնքներից: Մեկ տոնավաճառի ընթացքում իրացվել է 30-40 տոննա գյուղմթերք: Նույն ժամանակահատվածում , «Այրարատ» կինոթատրոնի հարևանությամբ կազմակերպվել է 33 տոնավաճառ, որին մասնակցել են շուրջ 484 գյուղացիական տնտեսություններ` 140 գյուղական համայնքներից: Տոնավաճառի ընթացքում իրացվել է 10-15 տոննա գյուղմթերք: «Մալիբու» սրճարանի տարածքում բացված երրորդ գյուղատնտեսական տոնավաճառը կգործի մինչեւ դեկտեմբերի 30-ը՝ ամեն օր: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |