Նոր հուշադրամներ են թողարկվել25 դեկտեմբերի 2012 - 19:08 AMT PanARMENIAN.Net - Հայաստանի Հանրապետության կենտրոնական բանկը «Հայկական վանքերը և եկեղեցիները» միջազգային դրամագիտական ծրագրի շրջանակում թողարկել է արծաթե հուշադրամներ` նվիրված Սանահինի վանքին, Գոշավանքին և Կեչառիսի վանքին: Այս մասին PanARMENIAN.Net ը տեղեկանում է ԿԲ հասարակայնության հետ կապերի ծառայությունից: Բոլոր հուշադրամների դիմերեսի ձևավորումը նույնն է`պատկերված է Հայաստանի Հանրապետության զինանշանը: Զինանշանից ներքև հուշադրամի անվանական արժեքն է` «1000 դրամ dram»: Եզրաշուրթի մոտ ներքևում «REPUBLIC OF ARMENIA» մակագրությունն է, իսկ աջում ուղղահայաց մակագրված է «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ»: «Սանահին» հուշադրամի դարձերեսի կենտրոնում պատկերված է Սանահինի վանքը: Եզրաշուրթի մոտ ուղղահայաց ձախում հայերեն, իսկ աջում անգլերեն մակագրված են համապատասխանաբար՝ «2012 ՍԱՆԱՀԻՆԻ ՎԱՆՔ» և «SANAHIN MONASTERY»: Վերևի աջ և ձախ անկյուններում և ներքևի մասում պատկերված են զարդանախշեր: «Գոշավանք» հուշադրամի դարձերեսի կենտրոնում պատկերված է Գոշավանքը: Եզրաշուրթի մոտ ուղղահայաց ձախում հայերեն, իսկ աջում անգլերեն մակագրված են համապատասխանաբար՝ «2012 ԳՈՇԱՎԱՆՔ» և «GOSHAVANK MONASTERY»: Վերևի աջ և ձախ անկյուններում և ներքևի մասում պատկերված են զարդանախշեր: «Կեչառիս» հուշադրամի դարձերեսին կենտրոնում պատկերված է Կեչառիսի վանքը: Եզրաշուրթի մոտ ուղղահայաց ձախում հայերեն, իսկ աջում անգլերեն մակագրված են համապատասխանաբար՝ «2012 ԿԵՉԱՌԻՍԻ ՎԱՆՔ» և «KECHARIS MONASTERY»: Վերևի աջ և ձախ անկյուններում և ներքևի մասում պատկերված են զարդանախշեր: Բոլոր հուշադրամներն ունեն նույն տեխնիկական բնութագիրը և դրանց պատրաստման համար օգտագործվել են գունավոր ներկեր: Հուշադրամները թափանցիկ պատիճներով և իսկության հավաստագրերով տեղադրված են տուփերում: Հուշադրամների նախագծի հեղինակն է «Coin Invest Trust» ընկերությունը (Լիխտենշտեյն): Հուշադրամները հատվել են «Մայեր» դրամահատարանում (Գերմանիա): Հուշադրամների բնութագիրը. Անվանական արժեքը` 1000 դրամ Մետաղը և հարգը` արծաթ, 9250 Քաշը` 25,0 գ Չափսերը` 27,0 x 47,0 մմ Դրամաշուրթը` ատամնավոր Ձևը` ուղղանկյուն Որակը` պրուֆ Տպաքանակը` մինչև 2500 հատ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |