  Կարեն Բեքարյան. 2012-ին Հայաստանի եվրաինտեգրման գործընթացը առանձնանում էր խորությամբ և ինտենսիվությամբ 27 դեկտեմբերի 2012 - 12:29 AMT PanARMENIAN.Net - Եվրոպական ինտեգրումը շարունակում է մնալ ՀՀ արտաքին քաղաքական գերակայություններից մեկը: Այս մասին է փաստում նաև ՀՀ նախագահ և գալիք նախագահական ընտրություններում ՀՀԿ թեկնածու Սերժ Սարգսյանի ելույթը ՀՀԿ համագումարում: Նման կարծիք հայտնեց «Եվրոպական ինտեգրացիա» ՀԿ նախագահ, քաղաքագետ Կարեն Բեքարյանը: Այսօր լրագրողների հետ հանդիպման ժամանակ, ամփոփելով 2012-ին ՀՀ-ԵՄ հարաբերություններում արձանագրված արդյունքները և եվրոպական ինտեգրման գործընթացում Հայաստանի ձեռքբերումները, Կարեն Բեքարյանն ասաց, որ 2012-ին եվրաինտեգրման գործընթացը Հայաստանի համար առանձնանում էր խորությամբ և ինտենսիվությամբ: «Հայաստանում արդեն շատ քչերն են մեր եվրաինտեգրման գործընթացի տեմպը համեմատում Ադրբեջանի հետ: Համեմատությունների հիմնական դաշտը գնում է դեպի Ուկրաինա, Մոլդովա, Վրաստան»,- ասաց քաղաքագետը: Ամփոփելով անցած տարին՝ նա նշեց, որ Հայաստան-ԵՄ հարաբերությունները զարգացել են տարբեր ուղղություններով: Նա նկատեց, որ եվրոպացի մի շարք բարձրաստիճան պաշտոնյաներ այցելեցին Երևան և փոխայցելությունների ինտենսիվությունը, դինամական բավականին բարձր էին: Ստորագրվեց ԵՄ-ի հետ վիզային ռեժիմի դյուրացման մասին պայմանագիրը, մեծ տեմպ էր տրված այս տարվա ընթացքում խորը և համապարփակ ազատ առևտրի մասին համաձայնագրի վերաբերյալ բանակցություններին և արդեն եկող տարվա ավարտին սպասվում է, որ կստորագրվի Ասոցացման մասին համաձայնագիրը: Կարեն Բեքարյանը կարևորեց նաև ՀՀ ԱԺ-ի և Եվրոպական խորհրդարանի միջև համագործակցությունը և նշեց, որ ԵՄ-ը բարձր գնահատեց այս տարի Հայաստանում կայացած խորհրդարանական ընտրությունները, ինչը նույնպես կարևոր ձեռքբերում է: «Եվրոպական գործընթացում մենք ֆիքսում ենք նաև ինստիտուցիոնալ կապերի հաստատումը Հայաստանի և ԵՄ միջև, այդ թվում Հայաստանի երեք կուսակցությունների անդամակցումը Եվրոպական ժողովրդական կուսակցությանը»,-ասաց Կարեն Բեքարյանը: Նա նաև նկատեց, որ ԵՄ-ից հնչած գնահատականները միայն արտաքին քաղաքական ձեռքբերումներով չեն սահմանափակվում, նշվում են նաև երկրի ներսում արձանագրված բարեփոխումները:   Ուշագրավ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում   Ամենաընթերցվողը բաժնում |  Վերջին լուրեր Մոլդովան առաջին երկիրն է, որն անվտանգության և պաշտպանության համաձայնագիր է ստորագրել ԵՄ-ի հետ  Բորելն ընդգծել է, որ ԵՄ–ն կշարունակի սատարել Մոլդովային ԵՄ–ին անդամակցելու ճանապարհինՀայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը:Հնագիտական հուշարձանների տարածքում, այդ թվում՝ Կարմիր բլուրում, պեղումների թույլտվություններ են տրվել Խոսքը 32 հուշարձանի մասին էՓոխվարչապետ․ «Զվարթնոցի» նոր տերմինալի նախագիծ կա, բայց բարդություններ կան Նա նշել է, որ նոր տերմինալի նախագծի արժեքը մոտ 450 մլն եվրո է կազմում |
