Նախագահի թեկնածու. Պայքարը գնալու է Սերժի Հայաստանի և Րաֆֆիի Հայաստանի միջև 8 հունվարի 2013 - 12:36 AMT PanARMENIAN.Net - Փետրվարի 18-ին ՀՀ-ում ընտրական հեղափոխություն պետք է լինի, որի միջոցով Հայաստանի հասարակությունը կոտրելու է իշխող համակարգը: Այսօր լրագրողների հետ հանդիպման ժամանակ նման կարծիք հայտնեց «Ժառանգություն» կուսակցության առաջնորդ, գալիք նախագահական ընտրություններում առադրված թեկնածու Րաֆֆի Հովհաննսիյանը: Նա բոլորին կոչ է անում մասնակցել այս ընտրություններին: «Չմասնակցելու պատճառը չպետք է լինի այն, թե մեր նախընտրած թեկնածուն չի առաջադրվել: Կոչ եմ անում բոլորին՝ քաղաքացիներին, ՀԱԿ-ին, ԲՀԿ-ին, ՀՅԴ-ին, նույնիսկ ՀՀԿ-ի չկողմնորոշված հատվածին, ակտվիսիտներին և այլն, մասնակցել այս ընտրություններին խղճի մտոք»,- ասաց Րաֆֆի Հովհաննիսյանը: Նա գորշող նախագահին կոչ արեց լուրջ վերաբերել իր ուղարկած նամակին: «Այս տասը օրվա ընթացքում մեր դպրոցներից, համալսարաններից և այլ վայրերից պետք է հանել կուսակցությության նշանները, գրասենյակները: Եթե դա տեղի չունենա, մենք կմտնենք ի սկզբանե կեղծված ընտրական գործընթաց: Նա պետք է լուծի այս շահերի բախման հարցը կամ հանի իր թեկնածությունը»,- ասաց Րաֆֆի Հովհաննիսյանը: Րաֆֆի Հովհաննիսյանը անգամ այդ դեպքում չի պատրաստվում նահանջել: «Անգամ եթե մտնենք կեղծված, հակասահմանադրական ընտրապայքար, եթե հայ ժողովուրդը մասնակցի և չնստի տանը, կունենանք առաջին դե յուրե հաղթանակը: Սա լինելու է պայքար երկու Հայաստանների միջև՝ գործող՝ դե ֆակտո և ապագա՝ դե յուրե»,- նկատեց նախագահի թեկնածուն: Նա նշեց, որ հիմնական պայքարը գնալու է իր և գործող նախագահի միջև: «Պայքարը գնալու է Սերժի Հայաստանի և Րաֆֆիի Հայաստանի միջև»,- ասաց Րաֆֆի Հովհաննիսյանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |