ՈՒՐՈՒԳՎԱՅՈՒՄ ՀԱՅԱՍՏԱՆԻ ԴԵՍՊԱՆ. ՀԱՅՈՑ ՑԵՂԱՍՊԱՆՈՒԹՅԱՆ ՓԱՍՏԸ ԱՊԱՑՈՒՑՄԱՆ ԿԱՐԻՔ ՉՈՒՆԻ 4 օգոստոսի 2005 - 08:33 AMT PanARMENIAN.Net - Ուրուգվայի խորհրդարանի արտաքին հարաբերությունների հանձնաժողովում կրկին լսումներ էին կազմակերպվել Հայոց ցեղասպանության շուրջ: Այս անգամ հիմնական զեկուցողը Ուրուգվայում Հայաստանի դեսպան Արա Այվազյանն էր: Քննարկումների ընթացքում նա հայտարարել է, որ «Հայոց ցեղասպանությունը ապացուցվելու կարիք չունի եւ նման առաջարկը խիստ վտանգավոր է, եւ խարդավանք կարող է հանդիսանալ Ուրուգվայի համար, որն աշխարհում հայտնի է որպես Հայոց ցեղասպանությունը ընդունած եւ դատապարտած առաջին երկիր»: Դեսպանը առաջարկել է Ուրուգվային միանալ Թուրքիային ուղղված տարբեր երկրների կոչին` բացել հայ-թուրքական սահմանը եւ դիվանագիտական հարաբերություններ հաստատել Հայաստանի հետ: Lսումներից հետո Ուրուգվայի խորհրդարանի հայազգի պատգամավոր Լիլիան Քեշիշյանը ասել է, որ Հայաստանի առաջարկը շատ լավ տպավորություն է թողել: Ըստ նրա, «հայտարարության բովանդակության շուրջ նախնական պայմանավորվածություն կա: Քննարկման ժամանակ Ուրուգվայի խորհրդարանը միաձայն վերահաստատել է, որ հայերի կոտորածները ցեղասպանություն են: Նույնը դիրքորոշումը Հայաստանի դեսպան Արա Այվազյանի հետ նախօրեին կայացած հանդիպման ժամանակ վերահաստել է նաեւ Ուրուգվայի փոխարտգործնախարար Բելելա Էռերայի կողմից: Անցած շաբաթ Ուրուգվայի խորհրդարանում Թուրքիայի դեսպան Շուրքրու Թուֆանի խնդրանքով Հայոց ցեղասպանության շուրջ կազմակերպված նմանատիպ լսումների ժամանակ խոսվել էր Թուրքիայի վարչապետ Էրդողանի` միջազգային հանձնաժողով ստեղծելու հայտնի առաջարկի մասին, եւ Թուրքիան խնդրել էր Ուրուգվային մասնակցել այդ հանձնաժողովի աշխատանքներին եւ աջակցել, որպեսզի այդ մարմինը «որոշի ցեղասպանության իրողության փաստը»: Ուրուգվայում Հայաստանի դեսպան Արա Այվազյանը զարգացումների վերաբերյալ իր մտահոգությունն էր հայտնել` հանդես գալով նույն հանձնաժողովի անդամների հետ հանդիպում անցկացնելու խնդրանքով: Եվ, քանի որ հարցը վերաբերում է Հայաստանին, դեսպանը առաջարկել էր որեւէ հայտարարություն չհրապարակել` Հայաստանի տեսակետին ծանոթանալուց առաջ: Հայաստանի դեսպանի առաջարկն ընդունվել էր: Հիշեցնենք, որ Հայաստանի նախագահ Ռոբերտ Քոչարյանը պաշտոնապես մերժել էր Թուրքիայի վարչապետ Ռեջեթ Թայիբ Էրդողանի` ցեղասպանության փաստն ուսումնասիրելու նպատակով համատեղ հանձնաժողով ստեղծելու մասին առաջարկը` փոխարենը առաջարկելով առանց նախապայմանների նորմալ հարաբերություններ հաստատել երկու երկրների միջեւ, հաղորդում է «Ազատություն» ռադիոկայանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |