Մշակույթի նախարարությունը արձագանքեց. Փաստորեն, Լուսինե Զաքարյանի ժառանգների հետ հանդիպում է եղել 1 փետրվարի 2013 - 18:32 AMT PanARMENIAN.Net - Երգչուհի Լուսինե Զաքարյանի և մանկավարժ, հասարակական գործիչ Խորեն Պալյանի բնակարանի անմխիթար վիճակի ամսին բազմաթիվ հրապարակումներից հետո, Մշակույթի նախարարությունը այսօր արձագանքեց: «Տեղեկացնում ենք, որ դեռևս երկու տարի առաջ նախարարության աշխատակիցները հանդիպել են Լուսինե Զաքարյանի և Խորեն Պալյանի ժառանգներից՝ Պալյանի եղբորորդիներից մեկին (նրանց է պատկանում բնակարանը` սեփականության իրավունքով) և միասին այցելել վերոնշյալ բնակարան: Բնակարանի վիճակն անմխիթար էր. Լուսինե Զաքարյանի ստեղծագործական կյանքի հետ կապված հուշային առարկաները գրեթե բացակայում էին: Հարկ է նշել, որ Խորեն Պալյանն իր կենդանության օրոք հիմնադրել է «Լուսինե Զաքարյան» հիմնադրամը, որին և պատկանում է Լուսինե Զաքարյանի երգարվեստի հեղինակային իրավունքը: Հիմնադրամը թողարկել է բազմաթիվ ձայնասկավառակներ, որոնք տարածում են գտնում աշխարհով մեկ: «Լուսինե Զաքարյան» հիմնադրամի հոգաբարձուների խորհրդի անդամ-ժառանգներին նախարարությունն առաջարկել է քննարկել իրենց սեփականությունը հանդիսացող բնակարանը հիմնադրամին նվիրաբերելու և հիմնադրամի հովանու ներքո ստեղծել Լուսինե Զաքարյանի տուն-թանգարանը: Նշենք, որ թանգարանի հիմնադիրն ու սեփականատերը կմնան ժառանգները, իսկ թանգարանի ընթացիկ գործունեությունը հնարավոր է ապահովել ՀՀ կառավարության 2012 թ. հունիսի 22-ի «Թանգարանային գործունեություն իրականացնող ոչ առևտրային կազմակերպություններին պետական աջակցության տրամադրման կարգը և չափորոշիչները հաստատելու մասին» N 851-Ն որոշմամբ սահմանված հիմունքներով: Սակայն նախարարության վերոնշյալ առաջարկությունները մինչ օրս անպատասխան են»,-հայտնում են նախարարությունից: Հիշեցնենք, որ ամիսներ առաջ բնակարանը ողողվել էր ջրով, ինչից հետո տեղեկացանք, որ տնից անհետացել են երգչուհուն և նրա ամուսնուն պատկանող իրեր: Հավելենք նաև, որ այս օրերին բնակարանը տուն-թանգարանի վերածելու պահանջով ստորագրահավաք է ընթանում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |