ԲՀԿ քաղխորհրդի նիստում առաջարկվել է կուսակցության նախագահին կից խորհուրդ ստեղծել (վիդեո) 6 մարտի 2013 - 16:40 AMT PanARMENIAN.Net - «Բարգավաճ Հայաստան» կուսակցության կենտրոնական գրասենյակում ԲՀԿ առաջնորդ Գագիկ Ծառուկյանի նախագահությամբ երեկ տեղի է ունեցել կուսակցության քաղաքական խորհրդի ընդլայնված նիստ: Քննարկվել են աշխատանքային և կառուցվածքային մի շարք հարցեր, երկրին ու բնակչությանը մտահոգող խնդիրներ: Հայտնում են ԲՀԿ գրասենյակից:«Մեր պետության և ժողովրդի խնդիրները պետք է մտահոգեն մեզանից յուրաքանչյուրին, խմբակցության պատգամավորները հասարակության լայն զանգվածներին մտահոգող խնդիրների հանդեպ պետք է զգոն լինեն և հնչեցնեն դրանք խորհրդարանի բարձր ամբիոնից: Ժողովրդի կողքին և ժողովրդի համար. սա ԲՀԿ-ի կարևորագույն սկզբունքներից է և առաջնահերթ է լինելու ցանկացած խնդրի պարագայում: ԲՀԿ-ն անելու է առավելագույնը՝ ժողովրդի վստահությունը պահպանելու համար»,- ասել է Գագիկ Ծառուկյանը: ԱԺ ԲՀԿ խմբակցության քարտուղար Նաիրա Զոհրաբյանն իր ելույթում անդրադարձել է խորհրդարանում ԲՀԿ գործունեությանը: Նա նշել է, որ կուսակցությունը մշտապես ակտիվ է ու նախաձեռնող, մշակած օրինագծերը բազմաթիվ բարեփոխումներ են նախանշում կյանքի լրջագույն ոլորտներում, իսկ հասարակությունը շարունակում է անվերապահորեն հավատալ ու վստահել ԲՀԿ-ին, որի մասին են վկայում խմբակցությանն ուղղված բազմահազար քաղաքացիների նամակները: ԱԺ ԲՀԿ խմբակցության պատգամավոր Ստեփան Մարգարյանը կարևորել է արտաքին կապերի ամրապնդման, միջկուսակցական հարաբերությունների ընդլայնման խնդիրները: Վարդան Օսկանյանն ու Գուրգեն Արսենյանն իրենց ելույթներում նշել են, որ երկրին ու հասարակությանը հուզող խնդիրները բազմաթիվ են՝ քաղաքականից մինչև սոցիալական ու տնտեսական, իրավականից մինչև բարոյահոգեբանական, և դրանց արդարացի լուծման ճանապարհին ԲՀԿ-ն լուրջ դերակատարում պետք է ունենա: Առաջարկվել է նաև կուսակցության նախագահին կից խորհուրդ ստեղծել: Պատգամավոր Վահե Հովհաննիսյանն ընդգծել է, որ այն հնարավորություն կտա շատ արագ արձագանքել տարբեր քաղաքական իրողություններին և դրանց վերաբերյալ հրատապ որոշումներ կայացնել: Իր ելույթում պատգամավոր Վահան Բաբայանը կարևորել է մարզերում կուսակցական առավել ակտիվ գործունեության ծավալումը՝ ընդգծելով, որ դրա համար կուսակցությունն այսօր ունի բոլոր հնարավորությունները: Առավել ակտիվ ու արդյունավետ աշխատելու հանձնարարական են ստացել կուսակցության Կանանց խորհուրդն ու Երիտասարդների միությունը: Գագիկ Ծառուկյանը հատկապես կարևորել է աջակցությունն այն շնորհալի երիտասարդներին, ովքեր այսօր հայրենի երկրում չունեն ինքնադրսևորվելու հնարավորություն: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |