Լավ հիմք է ստեղծվել Հայաստանի եւ Իտալիայի միջեւ համագործակցության զարգացման նոր փուլի համար 1 նոյեմբերի 2005 - 14:29 AMT PanARMENIAN.Net - «Մեզ Հայաստանում շատ ջերմ ընդունեցին, եւ դա ցույց տվեց, թե ինչ բարեկամական կապեր կան Հայաստանի եւ Իտալիայի միջեւ: Ցանկալի կլիներ այդ կապերը խորացնել նաեւ առեւտրատնտեսական ոլորտում»,-հայտարարել է Իտալիայի ԱԳՆ լիազոր նախարար, համագործակցության զարգացման վարչության բարձրաստիճան ներկայացուցիչ Էուջենիո Կամպոն այսօր Երեւանում Հայաստանի ԱԳ փոխնախարար Արմեն Բայբուրդյանի հետ համատեղ մամլո ասուլիսի ժամանակ: Նրա խոսքերով, լավ հիմքեր կան համագործակցության զարգացման նոր փուլ սկսելու համար: Նա նշել է, որ անհրաժեշտ է անցնել ծրագրերի իրագործման փուլին եւ այն երկրները, որոնց հետ համագործակցում է Իտալիան, իրենք պետք է որոշեն, թե որ ոլորտներում են ցանկանում համագործակցել, եւ այդ համագործակցությունը պետք է շարունակական զարգացում ունենա: «Այդ ծրագրերը նախնական են, եւ մենք այստեղ ենք գտնվում ծանոթանալու համար համագործակցության ուղղություններին»,-հայտարարել է Է.Կամպոն: Բացի այդ, նա հաղորդել է, որ նախատեսվում է ծրագրեր իրագործել առողջապահության եւ գյուղատնտեսության ոլորտներում եւ ավելացրել է, որ «դրանք այն ոլորտներն են, որ պետք է զարգանան»: «Օրինակ, Իտալիայում կան բժշկական ընկերություններ, որոնք պատրաստ են վերպատրաստել երիտասարդ հայ բժիշկների` դա առաջին նախագիծն է: Երկրորդը` դեղամիջոցների արտադրության համատեղ ձեռնարկության ստեղծումն է Հայաստանում»,-հաղորդել է նա: Նրա խոսքերով, գյուղատնտեսության ոլորտում նախատեսվում է փոքր եւ միջին ձեռնարկությունների զարգացման համար ցանցի ստեղծման ծրագիր: «Խոսքը բարձր տեխնոլոգիաների մասին է»,-պարզաբանել է Է.Կամպոն: Բացի այդ, նախատեսվում են նաեւ ծրագրեր գիտական ոլորտում: Նա նաեւ նշել է տեղեկատվական համակարգի ստեղծման անհրաժեշտությունը եւ կարեւորել է տեղեկատվական տեխնոլոգիաների կիրառումը համագործակցության ոլորտում: «Համագործակցության ոլորտները կարող են ընդլայնվել պայմանագրերի եւ տեղեկատվության փոխանակման միջոցով: Կան համագործակցության շատ ծրագրեր եւ ոլորտներ»,-նշել է Է.Կամպոն: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |