2013թ. առաջին եռամսյակում ՀԿԵ-ն պահպանել է դրական դինամիկան 8 ապրիլի 2013 - 16:08 AMT PanARMENIAN.Net - «Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը երկուշաբթի կայացած սելեկտորային խորհրդակցության ժամանակ ամփոփեց երկաթուղու առաջին եռամսյակում կատարած աշխատանքի արդյունքները: Համաձայն հրապարակված տվյալներին՝ 2013 թվականի առաջին կիսամյակում հաջողվեց պահպանել երկաթուղու աշխատանքի դրական միտումները: Օրինակ, բեռնման ծավալն անցյալ տարվա նույն ժամանակաշրջանի հետ համենատ աճել են 11%-ով, իսկ փոխադրումների ծավալը՝ 5,9%-ով, հայտնում է ընկերության մամլո ծառայությունը: Դրական միտումների շարքում Վիկտոր Ռեբեցն արձանագրեց նաև տրանզիտային վագոնների պարապուրդի կրճատումը (նախատեսված 9 ժամից այն կրճատվել էր մինչև 3.3 ժամ), մեկ վագոնի պարապուրդի կրճատումը մեկ բեռնափոխադրման ժամանակ, լոկոմոտիվի և վագոնի միջին օրեկան արտադրողականության աճը: Ինչպես նշեց նա, առաջին եռամսյակում հաջողվեց նաև օպտիմալացնել բեռնատար վագոնների պարկը, ինչի շնորհիվ երկաթուղին աշխատանքի նույն ծավալը կատարեց վագոնների ավելի փոքր թվով: «Բարձրացել են նաև արագությունները: 2013 թվականի մարտին միջին տեղամասային արագությունն աճել է 3,1 կմ.ժամով, իսկ առաջին եռամսյակում՝ 3,2 կմ.ժամով: Դա գոհացուցիչ արդյունք է՝ հաշվի առնելով, որ աճը գերազանցեց 10%», - հայտարարեց Վիկտոր Ռեբեցը: Միևնույն ժամանակ նա նշեց, որ մեծ աշխատանքներ պետք է կատարվեն ուղևորափոխադրումների ոլորտում, որտեղ հաշվետու ժամանակահատվածում անկում էր արձանագրվել: Ինչպես ընդգծեց Ընկերության ղեկավարը, անհրաժեշտ է բոլոր ջանքերը գործադրել տրանսպորտային շուկայում գրաված դիրքերը պահպանելու և երկաթուղու մրցակցային առավելություններն ուժեղացնելու համար: Վիկտոր Ռեբեցը հատուկ ուշադրություն դարձրեց ենթակառուցվածքի արդիականացման, գնացքների անվտանգության մակարդակի և աշխատանքի պահպանման հարցերին՝ համապատասխան հանձնարարություններ տալով պատասխանատուներին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |