Ինֆորմացիոն տեխնոլոգիաների ձեռնարկությունների միությունն ամփոփել է 13-ամյա գործունեության արդյունքները13 ապրիլի 2013 - 16:01 AMT PanARMENIAN.Net - Ինֆորմացիոն տեխնոլոգիաների ձեռնարկությունների միությունը (ԻՏՁՄ) ապրիլի 13-ին ամփոփել է իր 13-ամյա գործունեության արդյունքները: Ինչպես նշեց բացման խոսքում ՀՀ էկոնոմիկայի նախարար Տիգրան Դավթյանը, այդ ընթացքում Միությունն «ապացուցեց իր հնարավորություններն ու հմտությունները»՝ ապահովելով ՏՏ ոլորտի կայուն զարգացում: Նախարարը նշել է, որ վերջին տարիներին ՏՏ ոլորտը երկնիշ աճ է արձանագրում՝ հույս հայտնելով, որ «այս տարին ևս բացառություն չի լինի»: Նա հավելել է, որ ամեն տարի ստեղծվում են տասնյակ նոր ձեռնարկություններ, պատրաստվում են մասնագետներ, հայտնվում են նոր աշխատատեղեր: Գերակա ճյուղ հայտարարված ՏՏ ոլորտը պետական աջակցություն է ստանում, որի շնորհիվ իրականացվում են համատեղ նախագծեր մասնավոր հատվածի հետ: Ինչպես նշեց ՒՏՁՄ գործադիր տնօրեն Կարեն Վանդանյանը, ՏՏ ոլորտի զարգացման առաջատար է հանդես գալիս պետությունը, ինչը թույլ կտա արդեն առաջիկա 2-3 տարում ընդլայնել հնարավորությունները՝ նոր ներդրողներ ներգրավել, նոր տեխնոլոգիաներ ներմուծել, ապահովել զգալի առաջընթաց: 2012թ. Հայաստանի ՏՏ ոլորտում գրանցվել է 25 տոկոս աճ 2011թ. համեմատ, շահույթը կազմել է 250 մլն դոլար: Բարձր է նաև բարձր որակավորում ունեցող մասնագետների աշխատավարձերի միջին մակարդակը: Այսօրվա դրությամբ ոլորտում աշխատում է 10 000 մասնագետ, ընդ որում ամեն տարի մոտ 500 հոգու արտահոսք ենք ունենում: Սակայն այն կարելի է նվազեցնել բարենպաստ պայմաններ ստեղծելով աշխատանքի համար, վստահ է Կարեն Վարդանյանը: Նա հայտնել է, որ որոշ առաջատար մասնագետներ, մասնավորապես, Մասաչուսեթսի համալսարանի առաջատար ինժներեը, դիմել է Միությանը՝ ցանկություն հայտնելով աշխատել Հայաստանում, այնպես որ «որոշակի ներհոսք ևս կա»: Մինչդեռ ցանցային պատրաստության վարկանիշում Հայաստանը բարելավել է իր դիրքերը 12 կետով, սակայն դեռ հետ է մնում հարևաններից՝ Ադրբեջանից ու Վրաստանից: Ցանցային պատրաստության վարկանիշում, որը հրապարակում է Համաշխարհային տնտեսական համաժողովը INSEAD բիզնես դպրոցի հետ համատեղ, Հայաստանը 2013թ. զբաղեցրել է 82-րդ տեղը աշխարհի 144 երկրների թվում: Կարեն Վարդանյանը դա կապում է նրա հետ, որ բիզնեսը Հայաստանում դեռ պատրաստ չէ գործի մեջ կիրառել արդիական տեխնոլոգիաները: Նա գտնում է, որ այստեղ պետք է մրցունակ միջավայր ստեղծել, ինչը թույլ կտա շտկել իրավիճակը: Ամփոփելով Միության աշխատանքի արդյունքները՝ գործադիր տնօրենը հայտնել է, որ նախագահի հանձնարարությամբ հետազոտություններ են կատարվել պետգնումների և էլեկտրոնային առևտրի ոլորտներում, պատրաստվել են առաջարկությունների փաթեթներ, որոնք ներկայացվել են կառավարության քննարկմանը: Սակայն, ըստ նրա, ՏՏ ոլորտի համար Հայաստանում պատասխանատու են մի քանի գերատեսչություններ, ուստի կոնկրետ որոշումներ դեռ չեն կայացվել, նա հուսով է, որ 2013թ. որոշակի արդյունքներ կգրանցվեն: Բացի այդ, ՒՏՁՄ-ն ձեռնամուխ է եղել 50 դպրոցներում ռոբոտաշինության խմբակների ստեղծմանը: Դա թույլ կտա առաջիկա տարիներին 4000-5000 երեխա պատրաստել բուհերի համար: «Կադրային սովը» կհամալրվի նաև 39 ինովացիոն լաբորատորիաներում և պոլիտեխնիկ համալսարանին կից գործող Գերազանցության կենտրոնում: Արդյունքում բոլոր նախադրյալները կստեղծվեն ՏՏ ոլորտի զարգացման համար: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |