Ղարաբաղյան խնդրի լուծման հիմնական խոչընդոտը «կողմերի կարծր դիրքորոշումն» է29 նոյեմբերի 2005 - 13:52 AMT PanARMENIAN.Net - Սահմանադրական հանրաքվեն Հայաստանում եւ խորհրդարանական ընտրությունները Ադրբեջանում որոշ չափով արգելակեցին ղարաբաղյան հակամարտության կարգավորման գործընթացը: Մասշտաբային քաղաքական գործընթացների բացակայությունը Հայաստանում եւ Ադրբեջանում 2006 թվականին շատ ավելի բարենպաստ հող է ստեղծում բանակցությունների համար: Այդ մասին նոյեմբերի 29-ին հայտարարել է Ռուսաստանի միջնորդական առաքելության նախկին ղեկավար եւ ՌԴ նախագահի Լեռնային Ղարաբաղի հակամարտության գծող լիազոր ներկայացուցիչ, այժմ Ռուսաստանի դիվանագետների ասոցիացիայի փոխնախագահ Վլադիմիր Կազիմիրովը: Միեւնույն ժամանակ, նրա խոսքերով, համարել, թե 2006 թվականը ճակատագրական կդառնա եւ բոլոր խնդիրները կհաջողվի լուծել, «չափազանց պարզունակ մոտեցում» կլիներ: «Բարենպաստ պայմանները անհրաժեշտ է օգտագործել»,-ասել է նա: Ըստ Կազիմիրովի, 2006 թվականը կարելի է համարել «ճշմարտության պահ», քանի որ հաջորդ 2 տարիները կրկին հարուստ կլինեն ներքաղաքական գործընթացներով: Ընդ որում Կազիմիրովը համոզված է, որ Լեռնային Ղարաբաղի հակամարտության ճանապարհին եղած գլխավոր խոչընդոտը ոչ թե ընտրական գործընթացների գործոնն է, որը ժամանակավոր բնույթ է կրում, այլ «հակամարտության կողմերի չափազանց կարծր դիրքորոշումները»: «Առանց հավասարակշռված զիջումների հնարավոր չէ լուծել ոչ մի հակամարտություն: Այն կողմը, որը հայտարարում է, թե բան չունի զիջելու, քանի որ ամեն ինչ արդեն զիջված է, խաբում է կամ իրեն, կամ բոլոր մյուսներին»,-հայտարարել է նա: Մեկնաբանելով այն տեսակետը, թե ղարաբաղյան հակամարտությունը եւ նրա կարգավորման ձգձգումը Ռուսաստանի համար Հայաստանի վրա ազդեցության լծակներ են` Կազիմիրովն ընդգծել է, որ դա բավական պարզունակ մոտեցում է: «Ռուսաստանին հարկավոր են հանդարտ զարգացող հարաբերություններ ինչպես Հայաստանի, այնպես էլ Ադրբեջանի հետ»,-ասել է նա, հաղորդում է «Ռեգնում» գործակալությունը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |