Բրյուսելում տեղի է ունեցել Հայաստան-Եվրամիության Եռյակ հանդիպումը13 դեկտեմբերի 2005 - 15:48 AMT PanARMENIAN.Net - Այսօր Բրյուսելում կայացավ Հայաստան-Եվրոպական Եռյակ հանդիպումը, հաղորդում է ՀՀ ԱԳՆ մամլո ծառայությունը: Հայկական պատվիրակությունը ղեկավարում էր Հայաստանի արտաքին գործերի նախարար Վարդան Օսկանյանը, իսկ եվրոպական կողմը` ԵՄ Խորհրդի գլխավոր քարտուղար, ընդհանուր արտաքին եւ անվտանգության քաղաքականության բարձր ներկայացուցիչ Խավիեր Սոլանան: Հանդիպմանը մասնակցում էին նաեւ Հարավային Կովկասում ԵՄ հատուկ ներկայացուցիչ դեսպան Հեյկի Տալվիտիեն, ինչպես նաեւ Հարավային Կովկասում Մեծ Բրիտանիայի հատուկ ներկայացուցիչ Բրայան Ֆոլը: Գոհունակություն հայտնելով Հայաստան-ԵՄ համագործակցության դրական ընթացքի կապակցությամբ` կողմերը քննարկեցին ընթացիկ օրակարգի հարցեր, որոնք վերաբերում են Եվրոպական հարեւանության քաղաքականության շրջանակներում երկկողմ փոխգործակցությանը` շեշտը դնելով Հայաստանի Գործողությունների ծրագրի մշակման ընթացքի եւ առաջիկա անելիքների վրա: Մասնավորապես նշվեց կողմերի պատրաստակամությունը ծրագրի մշակումն ավարտի հասցնել 2006թ. առաջին եռամսյակում: Այնուհետեւ անդրադարձ կատարվեց Հայաստանում Սահմանադրական բարեփոխումների հանրաքվեին` նշելով Սահմանադրության ընձեռնած հնարավորությունները Հայաստանում ժողովրդավարության խորացման ուղղությամբ: Միեւնույն ժամանակ նշվեց ընտրական համակարգի թափանցիկության ապահովմանն ուղղված հետագա քայլերի անհրաժեշտությունը:Առանձին քննարկման առարկա դարձավ Լեռնային Ղարաբաղի հակամարտության կարգավորման հարցը, որի վերաբերյալ Վ.Օսկանյանը ներկայացրեց վերջին զարգացումները: Քննարկվեցին նաեւ Հայաստանի էներգետիկ ապահովության, մասնավորապես Հայկական (Մեծամորի) ատոմակայանի հետ կապված խնդիրները: Շոշափեցին տարածաշրջանին վերաբերող քաղաքական եւ տնտեսական բնույթի այլ հարցեր, որոնց շարքում մտքեր փոխանակվեցին հայ-թուրքական հարաբերությունների վերաբերյալ: Այսօր եւետ Խ.Սոլանան աշխատանքային հանդիպում էր ունեցել Հայաստանի, Ադրբեջանի ու Վրաստանի ԱԳ նախարարների հետ, որի ընթացքում քննարկվել էին տարածաշրջանային հակամարտությունների կարգավորմանն առնչվող հարցեր: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |