Թագավորին ստեղծում է շքախումբը. սոցիոլոգը՝ քաղաքական դաշտի և էլեկտորատի դասավորվածության մասին15 մայիսի 2013 - 12:42 AMT PanARMENIAN.Net - «Սոցիոմետր» սոցիոլոգիական կենտրոնի տնօրեն, սոցիոլոգ Ահարոն Ադիբեկյանը ներկայցնում է քաղաքական դաշտի դասակարգումը և ընտրողների ձայների բաշխվածութունը: Այսօր մամուլի ասուլիսի ժամանակ նա նկատեց, որ թագավորին ստեղծում է շքախումբը, և դա վերաբերում է նաև քաղաքական ուժերին, եթե շքախումբ չունենան, չեն ընտրվի: Ըստ սոցիոլոգի դիտարկումների՝ իշխանական դաշտի ուժերն են՝ Հայաստանի Հանրապետական կուսակցությունը՝ աջ և «Օրինաց Երկիր» կուսակցությունը՝ չափավոր: Իշխանամետ ուժերի ձայներն, ըստ Ահարոն Ադիբեկյանի, 64.5% են, որից 22%-ը՝ աջ դաշտից են, իսկ 42.5%-ը՝ չափավոր: Եվս 10%` կենտրոնից: «Բարգավաճ Հայաստան» կուսակցությունն, Ահարոն Ադիբեկյանի դասակարգմամբ, կենտրոնում է, դրա էլէկտորատը աջ դաշտից 10% է, ձախից՝ 5%: ԲՀԿ-ն տատանվող ուժ է, այն որևէ մեկին նախապատվություն չի տալիս: «ԲՀԿ-ն փորձեց կենտրոնամետ դիրք գրավել, իսկ ժողովրդավարական կատարյալ մոդելը հենց երեք բևեռներով է լինում: Ժողովուրդը մասնատված է ըստ իր շահերի, այդպես էլ բաժանվում են ձայները: Կա նաև տատանվող զանգված, որը կողմնորոշվում է տվյալ պահին»,- նկատեց Ահարոն Ադիբեկյանը: Ընդդիմադիր դաշտում առկա ուժերն են՝ «Ժառանգությունը», «Հայ Ազգային Կոնգրեսն» ու «Հայ Յեղափոխական Դաշնակցությունը»: Ընդդիմադիր ուժերի ձայները 35.5% է, որից 22.5%-ը՝ չափավոր, 5%՝ ձախ և 5%՝ տատանվող: «ՀՅԴ-ն մեծ ձայներ ուներ, երբ ձգվում էր դեպի կենտրոն, երբ իշխանության մեջ էր, իսկ երբ դուրս եկավ իշխանությունից և գնաց ձախ, ձայների զգալի կորուստ ունեցավ»,- ասաց Ահարոն Ադիբեկյանը և նշեց, որ ՀՅԴ-ն չափավոր ուժ է: ՀԱԿ-ի էլեկտրոատի դաշտը բավականին լայն էր, երբ դաշինքով էր հանդես գալիս, իսկ այժմ որպես կուսակցություն զգալի կորուստ է ունեցել: Ահարոն Ադիբեկյանը նկատեց, որ ՀԱԿ-ն ընդգծված ձախ ուժ է: «Ժառանգությունը», վերջին ընտրությունների ժամանակ «Բարև, Երևանի» բրենդով հանդես գալով, եկավ Րաֆֆի Հովհաննիսյանի անձնական վարկանիշին, իսկ նախագահի ընտրությունների ժամանակ ստացած 37%-ը նաև մյուս ուժերի ձայներն էին, նշում է սոցիոլոգը: «Ժառանգությունը» ևս չափավոր ընդդիմադիր քաղաքականություն է վարում: «Ընդդիմադիր ուժերը, քանի որ ամենքը փորձում են հանդես գալ որպես միակ իսկական ընդդիմությունը, երբեք միավորում չեն ունենում, իսկ մեզ մոտ իշխանական հատվածին հակակշիռ միություն հանդես չի գալիս, նրանք մասնատված են: Եթե, օրինակ, ավագանու ընտրությունների ժամանակ բոլորը համախմբվեին Րաֆֆի Հովհաննիսյանի շուրջ, կարող էին լուրջ արդյունքի հասնել»,- ասաց Ահարոն Ադիբեկյանը: Էլեկտորատի 35% տոկոս էլ էսկապիստներն են, նրանք փախչում են ընտրություններից, երբեք չեն գնում ընտրության: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Փոխնախարար. Տավուշում ծառայում են սահմանապահները՝ 3-րդ բանակային կորպուսն իր խնդիրներն ունի Նա նշել է, որ դա սահմանապահ զորքերի հսկողության գոտի է Ալիև․ ԵՄ 3 երկիր սառը պատերազմ է հայտարարել Ադրբեջանի դեմ Նա քննադատել է ԵՄ–ին, գովել Հունգարիային Գալուզին․ ՌԴ դեսպանը շուտով կվերադառնա Երևան Նա նշել է, որ մտադիր չեն նվազեցնել ՀՀ հետ դիվանագիտական հարաբերությունների մակարդակը Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը |