Օբյեկտիվ. Լարախաղացն` առանց լարի (վիդեո)   20 մայիսի 2013 - 11:35 AMTPanARMENIAN.Net - Լարախաղաց-աճպարար, գրող Վլադիմիր Հակոբյանը երեք տարի առաջ Սիսիանում թողեց կնոջն ու երեխաներին, եկավ մայրաքաղաք` իր արվեստը տարածելու, գրքերը տպագրելու, լարախաղացությամբ գումար վաստակելու և ընտանիքը պահելու: Գրքերի մի մասն այս երեք տարիների ընթացքում կարողացել է տպագրել, ասում է ` ժողովուրդն է օգնել: Սակայն նրա ամենամեծ ցանկությունը լարախաղացի արվեստը տարածելն ու զարգացնելն է, ինչի հնարավորությունն էլ խնդրում է, որ իշխանությունները տան: Վլադիմիր Հակոբյանը նկատում է, որ այսօր բոլորը Լեոնիդ Ենգիբարյանի արվեստի մասին են խոսում, իսկ քաղաքում հիմա էլ կան տաղանդավոր լարախաղացներ ու աճպարարներ, որոնց մասին անգամ տեղյակ էլ չեն: Նա ցանկանում է մի կառույց հիմնել, որտեղ կկարողանա համախմբել բոլոր լարախաղացներին: Խնդրում է, որ պետությունը մի փոքր գումար հատկացնի, որ կարողանա հիմնել այդ կենտրոնը և իր հմտությունները փոխանցել հաջորդ սերունդներին: Մասնագիտությամբ ռեժիսոր լարախաղացը դիմել է տարբեր պատկան մարմինների, մշակույթի նախարարություն ուղարկված մի շարք նամակներ ունի, սակայն դրանք մնացել են անպատասխան: Երկրորդ խնդրանքն ավելի հեշտ իրագործելի է: Այս դեպքում նրան կարող է օգնել Երևանի քաղաքապետարանը: Նա պարզապես խնդրում է, որ իրեն թույլ տան քաղաքի որևէ հատվածում, որտեղ որ հարմար է ու ոչ մի բանի չի խանգարի, ցանկացած պահի իր լարը կապել և օրվա ապրուստ վաստակել: Վրադիմիր Հակոբյանը պատմում է, որ ինքը Սիսիանում Արցախի ազատագրական պայքարի առաջամարտիկներից է: Ակտիվորեն մասնակցել է կազմակերպչական աշխատանքներին: Նրան արդեն 20 տարուց ավելի է, ինչ աջառադրել են արվեստի վաստակավոր գործչի կոչմանը, սակայն մինչ օրս կոչում չեն տվել: Նա ցույց է տալիս մշակույթի ոլորտում արտասահմանում ստացած մեդալներն ու նկատում, որ արցախյան պատերազմին մասնակցության համար միայն մեկ պատվոգիր է ստացել՝ վարչապետից: Սոցիալական վիճակն այնքան էլ լավ չէ, բայց լարախաղացը չի դժգոհում հայրենիքից ու ժողովրդից, դժգոհում է անարդարություններից: Վլադիմիր Հակոբյանը 7 երեխա ունի, 3-ը` անչափահաս: Փոքրերից երկուսը տղա են, նա հպարտությամբ նշում է, որ ևս երկու ապագա զինվոր է մեծացնում հայրենիքի համար: Նա հիշեցնում է, որ պետք է անընդհատ բարձր պահել հայրենասիրական ոգին ու անկախության գաղափարը: Մարի Թարյան, Աստղիկ Հակոբյան   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
