Պատգամավոր. Ցածր ծնելիության պատճառը Հայաստանում սիրո բացակայությունն է քաղաքացիների ու պետության միջև 5 հունիսի 2013 - 14:54 AMT PanARMENIAN.Net - Կենտրոնական բանկի նախկին նախագահ, տնտեսագիտության թեկնածու Բագրատ Ասատրյանը չափազանց մտահոգված է երկրում ստեղծված իրավիճակով, որի պատճառը իշխանության ներկայացուցիչների մի շարք հայտարարություններն են՝ գազի սակագնի, էլեկտրաէներգիայի սակագնի ավելացման, աշխատավարձերի բարձրացման վերաբերյալ: «Մայիսը մեզ համար «պարգևների» ամիս եղավ»,-հայտարարել է նա հունիսի 5-ին Երևանում կայացած մամլո ասուլիսում: Ըստ նրա, իշխող կուսակցության 10-ամա քաղաքականությունը հանգեցրեց նրան, որ երկրում աճել է արտագաղթը: «2013թ. առաջին եռամսյակում երկրից հեռացել է 10 000-ով ավելի մարդ 2012թ. նույն ժամանակամիջոցի համեմատ, աճը կազմում է 30 տոկոս»,-ասել է նա՝ ներկայացնելով պաշտոնական տվյալները: Բացի այդ, ծնելիության 0,2 տոկոս անկում է գրանցվել 2012թ. առաջին եռամսյակի համեմատ: «Եթե այսպես շարունակվի, բնակչությունը զգալի անկում կապրի, մահացությունը կգերազանցի ծնելիությունը»,-հայտարարել է նա: Ծնելիության վերաբերյալ տեսակետին համամիտ էր ԱԺ պատգամավոր, ԱԺ սոցիալական հարցերի մշտական հանձնաժողովի նախագահ Հակոբ Հակոբյանը: Ըստ նրա, բնակչության 54 տոկոսը չունի 16 տարեկանից փոքր երեխա»,-ասել է նա: Ըստ նրա, ամենաանբարենպաստ տարին 2002 թվականն էր, երբ ծնվեց 32 000 երեխա՝ համեմատության համար 1991թ. ծնվել է 76 000 երեխա: Ինչ վերաբերում է 2013 թվականին, ապա հաշվետու շրջանում Հայաստանում 2012թ. նույն շրջանի համեման 1000-ով պակասել է ծնելիությունը, մահացածների թիվը կազմում է 28 հազար մարդ: Այդ համատեքստում Հակոբ Հակոբյանը հայտնել է, որ ՀԲ փորձագետների հետ համատեղ հետազոտություններ են անցկացվել, որոնց համաձայն նման իրավիճակը բնորոշ է բոլոր զարգացող երկրներին, այն չի շրջանցել նաև զարգացած երկրները: Սակայն, ըստ պատգամավորի անձնական կարծքի, «ցածր ծնելիության գաղտնիքը սիրո բացակայությունն է քաղաքացիների ու պետության միջև, սիրո պակասն է Հայրենիքի հանդեպ»: Ինչ վերաբերում է արտագաղթին, ապա Հակոբ Հակոբյանը լուծումը տեսնում է նրանում, որ Հայաստանը նվազեցնի ներկրումը և արտադրի այնպիսի ապրանքներ, որոնք գործող GSP (Generalized System of Preferences) համակարգով արտահանվեն զարգացած երկրներ՝ ցածր կամ զրոյական մաքսատուրքով: Դրա համար տեղի արտադրողը պետք է ներդնի ԵՄ որակի կառավարման հետ ներդաշնակեցված համակարգեր: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |