Քաղաքացիական նախաձեռնությունը պահանջելու է ՀԾԿՀ-ից 1 ամսով երկարաձգել գազի սակագնի վերաբերյալ լսումները 6 հունիսի 2013 - 18:08 AMT PanARMENIAN.Net - «Եկեք կանխենք գազի գնի բարձրացումը» քաղաքացիական նախաձեռնությունը հունիսի 6-ին սեփական նախաձեռնությամբ հանրային լսումներ է կազմակերպել Հայաստանի համար ռուսական գազի սակագնի բարձրացման շուրջ: Ինչպես լրագրողներին ասաց Սպառողների շահերի պաշտպանության միություն» հասարակական կազմակերպության հիմնադիր ու տնօրեն Արամ Գրիգորյանը, քաղաքացիական նախաձեռնությունը հրավիրել է բոլոր շահագրգիռ կողմերին՝ կառավարությանը, խորհրդարանին, ՀԿ-ներին, փորձագետներին մասնակցելու Հայաստանի քաղաքացիների համար կարևոր հարցի քննարկմանը, հասկանալու համար, թե «ինչո՞ւ է այդպես»: Արամ Գրիգորյանը հայտնեց, որ վաղը ՀԿԾՀ նիստում սպասվում է «հերթական շոուն», քանի որ անաչառ լինելու կոչված մարմինը չի կատարում իր վրա դրված պարտականությունները: Ավելին, նրա ներկայացուցիչները իրավունք չունեին խախտել օրենքը և նախապես նոր գին հայտարարել 156 դրամը 1 խմ համար նախկին 132 դրամի դիմաց՝ մինչև հանրային լսումների մեկնարկն ու բոլոր առաջրկների քննարկումը: «Մենք մտադիր ենք ՀԿԾՀ-ին ներկայացնել մեր հաշվարկները գազի սակագնի վերաբերյալ և պահանջել նրանցից հետաձգել որոշումը վերջնական գնի վերաբերյալ 1 ամսով»,-ասել է նա: Արամ Գրիգորյանը նշեց նաև, որ ըստ քաղաքացիական նախաձեռնության մասնագետների հաշվարկների, գազի գնի 30 տոկոսով սուբսիդավորումը սահմանի վրա կառավարության կողմից թույլ կտար պահպանել գազի գինը նախկին մակարդակի վրա, սակայն «ՀայՌուսգազարդ» ՓԲԸ-ն ՀԿԾՀ է ներկայացրել լրացուցիչ վարչական ծախսերի հայտը: Այդպես, եթե 2010թ. ընկերությունն ուներ մոտ 4 700 աշխատակիցներ 100 000 դրամ միջին աշխատավարձով, ապա այժմ այդ թիվը ավելացել է 1000-ով, իսկ աշխատավարձը կրկնապատկվել է: «Մենք առաջարկում ենք օպտիմալացնել մենաշնորհատերի ծախսերը, ինչը թույլ կտա պահպանել գազի գինը նույն մակարդակում»,-ասել է նա: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Փաշինյան․ Արդեն 10 օր է՝ Բաղանիս-Ոսկեպար հատվածում ՀՀ սահմանապահ զորքերն են ծառայում «Հիմա ուսումնասիրում են տեղանքը, որպեսզի արդեն այդտեղ մշտական ծառայություն իրականացնեն»,–ասել է նա Ադրբեջանում ՀՀ հանքարդյունաբերության քարտեզ են կազմել՝ ձեռնարկություններն անվանելով «ապօրինի» և մոնիտորինգի ենթակա Նշվում է, թե Հայաստանը «միտումնավոր է այդ ձեռնարկությունները տեղակայել է Ադրբեջանի հետ սահմանակից վայրերում» Բաքվի դատարանը 5 ամսով երկարացրել է նաև Ռուբեն Վարդանյանի կալանքը Դատարանը հավանություն է տվել դատախազության միջնորդությանը ՀՀ-ն Կիպրոսում դեսպանություն կբացի Նշվել է, որ դա կնպաստի Հայաստան–Կիպրոս հարաբերությունների հետագա զարգացմանը |