ԱԱԽ քարտուղար. Նախատեսվում է 20 ուղղություններով խորացնել համագործակցությունը ՀԱՊԿ-ի հետ27 հունիսի 2013 - 15:09 AMT PanARMENIAN.Net - Հայաստանի Ազգային անվտանգության խորհրդի քարտուղար Արթուր Բաղդասարյանն ու ՀԱՊԿ գլխավոր քարտուղար Նիկոլայ Բորդյուժան այսօր ստորագրեցին արձանագրություն, որում ներառված է 20 կետ, գործունեության 20 ուղղություն, որը կիրականացվի ՀԱՊԿ քարտուղարության հետ: Հանդիսավոր ստորագրումից հետո մամուլի ասուլիսում ՀՀ Ազգային անվտանգության խորհրդի քարտուղար Արթուր Բաղդասարյանը հայտնեց, որ այսօր տեղի է ունեցել ընդլայնված խորհրդակցություն համապատասխան նախարարությունների և գերատեսչությունների միջև: «Մենք ստորագրեցինք փաստաթուղթ, որով նախատեսվում է 20 ուղղություններով խորացնել համագործակցությունը ՀԱՊԿ-ի հետ: Դա ներառում է մեր անվտանգության համակարգի համալիր միջոցառումների լայն ցանկ: Մենք պայմանավորվեցին, որ ՀԱՊԿ-ի շրջանակներում կիրականացվեն մի շարք միջոցառումներ, որոնք ունեն ոչ միայն երկկողմ նշանակություն, այլև ներգրավված են ՀԱՊԿ անդամ մյուս երկրները: Դրանք վերաբերում են ռազմական համագործակցության հետագա խորացմանը»,- ասաց նա: Արթուր Բաղդասարյանը նշեց, որ ձևավավորվում են հավաքական անվտանգության ուժեր Հարավկովկասյան տարածաշրջանում, իսկ Կովկասում Հայաստանը ՀԱՊԿ-ի միակ անդամն է: Նա հայտնեց, որ ստեղծվելու են միացյալ հավաքական ավիացիոն ուժեր, արագ արձագանքման ստորաբաժանումները կվերազինվեն նորագույն սպառազինություններով, ՀԱՊԿ շրջանակներում կստեղծվեն հատուկ փրկարարական ստորաբաժանումներ, կձևավորվի մշտական երկխոսության մեխանիզմ Հատուկ ծառայությունների, իրավապահ մարմինների միջև: Կստեղծվեն նաև կիբերանվտանգության մշտական գործող կենտրոններ ՀԱՊԿ անդամ երկրներում. «Հայաստանը այս ուղղությամբ կլինի առաջամարտիկներից մեկը: Քայլեր կձեռնարկվեն մեր ռազմական ենթակառուցվածքները զարգացնելու ուղղությամբ: Մասնավորապես, խոսքը վերաբերում է նոր համատեղ ձեռնարկությունների ստեղծմանը ռազմական արդյունաբերության ոլորտում»: ՀԱՊԿ գլխավոր քարտուղար Նիկոլայ Բորդյուժան իր հերթին նշեց, որ գոհ է բանակցությունների արդյունքներից և շեշտեց, որ բոլոր նախապես ծրագրված միջոցառումները, որոնք վերաբերում են Հայաստանի անվտանգությանը, ինչպես նաև Կովկասում անվտանգության համակարգի ստեղծմանը, իրականացվում են: «Բազմաթիվ ծրագրեր են իրականացվում նաև ռազմատեխնիկական համագործակցության ոլորտում: Բոլոր այդ հարցերն առաջին հերթին վերաբերում են Հայաստանի`որպես ՀԱՊԿ անդամ երկրի, անվտանգության ապահովմանը: Մենք ունենք բազմաթիվ միջոցառումներ, որոնք նախատեսված է իրականացնել այս տարվա ընթացքում: Այս տարի Հայաստանում կանցկացվի ՀԱՊԿ անդամ երկրների ԱԱԽ քարտուղարների ոչ ֆորմալ հանդիպում, որի ժամանակ կքննարկվեն Կովկասում տեղի ունեցող զարգացումները»,- ասաց ՀԱՊԿ գլխավոր քարտուղարը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |