Բնակչության համաշխարհային օրվա ուշադրության կենտրոնում անչափահասների հղիության հարցն է10 հուլիսի 2013 - 11:39 AMT PanARMENIAN.Net - ՄԱԿ-ի Գլխավոր քարտուղար Պան Գի Մունը Բնակչության համաշխարհային օրվա կապակցությամբ ուղերձ է հղել: «Լինելով աղջիկների կրթության, առողջության ու իրավունքների հավատարիմ ջատագովը և հավատացած լինելով, որ երիտասարդ կանայք կկարողանան վերափոխել մեր աշխարհը, ես ողջունում եմ այն փաստը, որ այս տարվա Բնակչության համաշխարհային օրվա ուշադրության կենտրոնում անչափահասների հղիության հարցն է: Այս նուրբ թեման գլոբալ ուշադրություն է պահանջում: Մոտ 16 մլն դեռահաս աղջիկներից շատ շատերը, ովքեր յուրաքանչյուր տարի ծննդաբերում են, երբեք իրենց հղիությունը պլանավորելու հնարավորություն չեն ունեցել: Հղիության և ծննդաբերության բարդությունները կարող են հանգեցնել ծանր հաշմանդամության, ինչպիսին է մանկաբարձական ֆիստուլը, և հանդիսանում են այս խոցելի երիտասարդ կանանց մահվան հիմնական պատճառ: Դեռահաս աղջիկները վտանգավոր արհեստական վիժեցման պատճառով նաև կանգնում են բազմաթիվ հիվանդությունների, վնասվածքների և մահվան առջև: Այս խնդիրները լուծելու համար մենք պետք է հնարավորություն տանք աղջիկներին հաճախել տարրական դպրոցներ և ստանալ լավ կրթություն իրենց դեռահասության շրջանում: Երբ երիտասարդ աղջիկը կրթված է, հավանականությունը մեծ է, որ նա ավելի ուշ կամուսնանա, երեխաներ կունենա այն ժամանակ, երբ պատրաստ կլինի, կունենա ավելի առողջ երեխաներ և ավելի բարձր եկամուտ կվաստակի: Մենք պետք է նաև բոլոր դեռահասներին ապահովենք իրենց տարիքին համապատասխան, բազմակողմանի սեռական կրթությամբ: Սա հատկապես կարևոր է, որպեսզի հնարավորություն տրվի երիտասարդ կանանց որոշելու, ե՞րբ և արդյո՞ք ուզում են մայր դառնալ: Բացի այդ, մենք պետք է տրամադրենք սեռական և վերարտադրողական առողջության համապարփակ ծառայություններ, որոնք ներառում են ընտանիքի պլանավորում և սեռական ճանապարհով փոխանցվող վարակների, այդ թվում`ՄԻԱՎ-ի, կանխարգելում և բուժում: Եվ մենք պետք է երաշխավորենք մայրական առողջության ծառայությունները, որոնք անհրաժեշտ են կանանց: Ուշադրություն և միջոցներ հատկացնելով դեռահաս աղջիկների կրթությանը, առողջապահությանը և բարեկեցությանը` մենք հավատացած ենք, որ նրանք հասարակության մեջ դրական փոփոխություն մտցնելու համար է՛լ ավելի մեծ ուժ կդառնան, ինչն ազդեցություն կունենա եկող սերունդների վրա: Բնակչության համաշխարհային այս օրը եկե´ք խոստանանք աջակցել դեռահաս աղջիկներին իրագործելու իրենց ներուժի կարողությունը և իրենց ներդրումը կատարելու մեր ընդհանուր ապագայի մեջ»,- ասված է ուղերձում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը |