2013 թ. առաջին կիսամյակում ԱՐՄԵՆԱԼ-ը մեծացրել է արտադրության և արտահանման ծավալները

20 օգոստոսի 2013 - 11:19 AMT

PanARMENIAN.Net - 2013 թ. առաջին կիսամյակում փայլաթիթեղագլանման ԱՐՄԵՆԱԼ գործարանը (մտնում է աշխարհում ալյումինի խոշորագույն արտադրողՌՈՒՍԱԼ ընկերության կազմի մեջ) թողարկել է 13 474 տոննա արտադրանք` 6,7% գերազանցելով 2012 թ. համանման ցուցանիշը:

Հայաստանի մաքսային ծառայության տվյալներով` այս տարվա հունվար-հունիս ամիսների ընթացքում արտահանվել է 13 765 տոննա ալյումինե փայլաթիթեղ, որը 22% ավել է, քան նախորդ տարվա առաջին կիսամյակում: Փայլաթիթեղի արտահանման աճը դրամային տեսքով կազմում է 17%` գերազանցելով 42 մլն դոլարը:

Հայաստանի արտահանման ընդհանուր ծավալի մեջ հաշվետու ժամանակաշրջանում ԱՐՄԵՆԱԼ-ի մասնաբաժինը կազմել է 6,0%, իսկ ԱՄՆ արտահանման ծավալում` գրեթե 87%:

Ինչպես վկայում է Հայաստանի հարկային ծառայության հաշվետվությունը, 2013 թ. հունվար – հունիս ամիսներին գործարանը հարկերի տեսքով պետբյուջե է մուծել 900 մլն դրամ, որը 33,7% գերազանցում է անցած տարվա I կիսամյակի տվյալները:

ԱՐՄԵՆԱԼ-ը ստեղծվել է Երևանում 2000թ. մայիսին Քանաքեռի ալյումինի գործարանի հիմքի վրա, այն Հայաստանի խոշորագույն արտադրական ձեռնարկություններից է, Կովկասում և Կենտրոնական Ասիայում փայլաթիթեղի միակ արտադրողը: ՍԱՅԱՆԱԼ, «Ուրալսկայա ֆոլգա», «Սայանսկայա ֆոլգա» ձեռնարկությունների հետ կազմում է ՌՈՒՍԱԼ ընկերության փաթեթավորման դիվիզիոնը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով