«Ռոսնեֆտը» շուտով կորոշի, թե որքանով է նպատակահարմար համագործակցել «Նաիրիտի» հետ 3 սեպտեմբերի 2013 - 18:49 AMT PanARMENIAN.Net - Ռուսական «Ռոսնեֆտ» ընկերությունը պայմանավորվածության հասել իր գործընկեր՝ իտալական Pirelli ընկերության հետ «Նաիրիտ» այցելելու վերաբերյալ՝ նպատակ ունենալով գնահատել և որոշել համագործակցության հնարավոր ուղղությունները, հայտնում է «Ռոսնեֆտի» մամլո ծառայությունը: «Ռոսնեֆտի» նախագահ Իգոր Սեչինը «Նաիրիտի» գլխավոր տնօրեն Հովհաննես Հախինյանի հետ աշխատանքային հանդիպման ընթացքում քննարկել է «Ռոսնեֆտի» հնարավոր մասնակցությունը «Նաիրիտ» գործարանում քլորոպրենային կաուչուկի արտադրության նախագծին: Consultancy Ltd ընկերությունը 2013թ. օգոստոսին անց է կացրել գործարանում բուտադիենից քլորոպրենային կաուչուկի արտադրության տեխնիկական ու բնապահպանական աուդիտ: «Ռոսնեֆտը» որոշում կկայացնի, թե որքանով է նպատակահարմար մասնակցել այս նախագծին աուդիտի վերջնական արդյունքներին ծանոթանալուց հետո, ինչպես նաև Հայաստանի կառավարության հետ բանակցությունների արդյունքում: Ավելի վաղ հայտնի էր դարձել, որ ռուսական «Իտերա» ընկերությունը «Ռոսնեֆտի» հետ համատեղ ուսումնասիրում են «Նաիրիատ» քիմիական գործարանի արդիականացման հնարավորությունը: ՀՀ էներգետիկայի ու բնական պաշարների նախարար Արմեն Մովսիսյանը բազմիցս է հայտարարել, որ «Նաիրիտ» գործարանի արդիականացման համար ըստ միջազգային չափանիշների կպահանջի մոտ 400-500 մլն դոլարի ներդրում: «Նաիրիտ» գործարանը հիմնադրվել է 1940թ. և եղել է ԽՍՀՄ տարածքում քլորոպրենային կաուչուկի արտադրության մենաշնորհատերը: 2006 թ. գործարանի բաժնետոմսերի 90 տոկոսը վաճառվեց Property Limited բրիտանական կոնսորցիումին 40 մլն դոլարով, իսկ մնացած 10 տոկոսը պատկանում է ՀՀ կառավարությանը: 2010 ապրիլից գործարանը պարապուրդի է մատնված: Գործարանը մշտապես հայտնվում է սկանդալների կիզակետում՝ կապված աշխատավարձերի պարտքերի հետ: Վերջին տվյալներով, աշխատակիցները չեն ստացել վերջին 10 ամսվա աշխատավարձը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Պեսկովը՝ ԵԱՏՄ–ից ՀՀ–ի դուրս գալու հավանականության մասին. ԵԱՏՄ–ն առաջանցիկ զարգացում է ապահովում անդամների համար Նա հավելել է, որ դա բխում է անդամ երկրների շահերից Ալիևի ներկայացուցիչ. Եթե Երևանը հրաժարվի Զանգեզուրով անցնող ճանապարհից, Բաքուն երթուղի կկառուցի Իրանով Ըստ Ամիրբեկովի, այդպիսով, «Հայաստանը կկարողանա դուրս գալ մեկուսացումից, տարանցման վճարներ հավաքել» Պեսկով. Պուտինի և Փաշինյանի առաջիկա հանդիպումը սպասված է և անհրաժեշտ Հանդիպումը կայանալու է մայիսի 8–ին Ucom-ի ֆիքսված ցանցն արդեն գործում է Արտաշատում Այս կապակցությամբ ընկերությունը գործարկել է հատուկ առաջարկ՝ միայն Արտաշատի բնակիչների համար |