 Նյու Յորքում աշխատանքն է սկել ՄԱԿ 68-րդ Գլխավոր վեհաժողովը 18 սեպտեմբերի 2013 - 12:00 AMT PanARMENIAN.Net - Նյու Յորքում աշխատանքն է սկել ՄԱԿ 68-րդ Գլխավոր վեհաժողովը, որի գլխավոր թեման, ինչպես ակնկալվում է, կլինի Սիրիայի խնդիրը: Պան Գի Մունը հորդորել է առավել գործուն քաղաքական լծակներ գտնել սիրիական հակամարտությունը դադարեցնելու համար: ՄԱԿ ԱԽ մշտական անդամների միջև տարաձայնությունները Ֆրանսիայի, ԱՄՆ ու Մեծ Բրիտանիայի ներկայացրած բանաձևի նախագծի վերաբերյալ պահպանվում են: Ռուսաստանը համաձայն չէ ՄԱԿ գնահատականին՝ Սիրիայում քիմիական զենքի կիրառման վերաբերյալ: Մոսկվան չի բացառում սադրանքը, այն դեպքում, երբ Արևմուտքը օգոստսի 21-ի քիմիական գրոհի պատախանատվությունը դնում է սիրիական իշխանությունների վրա: «Ինչպես միջազգային հանրությունը միավորվեց քիմիական զենքի կիրառման սպառնալիքի դեպքում, այն պետք է նաև դադարեցնի թեժացող պատերազմը, որը ավիրում է երկիրը: Ես հուսով եմ, որ մենք կկարողանանք առաջ շարժվել դիվանագիտական ճանապարհով և արագ շարժվել դեպի խնդրի քաղաքական լուծումը»,-ասել է նա, հայտնում է euronews-ը: Թե ինչ ազդեցություն է թողնում սիրիական ճգնաժամը տարածաշրջանի վրա, տեսանելի է NASA-ի լուսանկարներից: Լուսանկարներին կարելի է տեսնել Հորդանանի «Ազ Զաթարի» փախստականների ճամբարի ընդլայնումը վերջին 2 տարում: ՄԱԿ գլխավոր քարտուղար Պան Գի Մունը ներկայացրել է ՄԱԿ տեսչության զեկույցը ԱԽ փակ նիստում՝ հրապարակումից առաջ: «Դա ռազմական հանցագործություն է և միջազգային իրավունքի լուրջ խախտում: Արդյունքներն անվիճելի են: Փաստերն ինքնին խոսուն են»,-ասել է Պան Գի Մունը: Զեկույցում ասվում է, որ «բնական, քիմիական և բժշկական նմուշները հստակ և համոզիչ ապացույցներ են ներկայացնում», որ Դամասկոսում օգոստոսի 21-ին «ցամաք-ցամաք» տիպի հրթիռներ են օգտագործվել զարինի պարունակությամբ: Ապստամբներն ու նրանց արևմտյան ու արաբական դաշնակիցները օգոստոսի 21-ի հարձակման մեղքը բարդում են Ասադի ռեժիմի վրա: Ասադի ռեժիմը պնդում է, որ քիմիական զենք են կիրառել նաև ապստամբները: Քաղաքացիական պատերազմը Սիրիայում շարունակվում է արդեն 2 տարի: Այդ ընթացքում, ՄԱԿ տվյալներով, ավելի քան 100 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են: ԱՄՆ-ն Ասադին մեղադրում է օգոստոսի 21-ին Դամասկոսի արվարձանում քիմիական հարձակման մեջ, որի հետևանքով ավելի քան 1400 մարդ զոհվեց: Սիրիական իշխանությունները կտրականապես հերքում են քիմիական զենքի կիրառումն ու հարձակման մեջ մեղադրում են ապստամբներին: Հղումներ թեմայով.   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
