Ամերիկյան shutdown-ի արձագանքը Հայաստանում՝ ԱՄՆ դեսպանատունը Երևանում վերանայում է ծախսերը 8 հոկտեմբերի 2013 - 12:52 AMT PanARMENIAN.Net - ԱՄՆ դեսպանատունը Հայաստանում, հավանաբար, կվերանայի որոշ ծախսերն ու միջոցառումները, կապված պետական հաստատությունների ֆինանսավորման հետ, գրում է «Ժամանակը»: «ՀՀ-ում ԱՄՆ դեսպանատան աշխատանքը չի դադարի ԱՄՆ բյուջետային ճգնաժամի հետևանքով, դեսպանատունը կշարունակի բաց մնալ հյուպատոսական ծառայությունների, այդ թվում՝ ԱՄՆ քաղաքացիներին արտակարգ ծառայությունների ապահովման և մուտքի արտոնագրերի համար: Դեսպանատունը շարունակում է իր գործունեությունը, որն անհրաժեշտ է ԱՄՆ շահերի պաշտպանության համար: Այնուամենայնիվ, այս ընթացքում մենք հնարավոր է վերանայենք որոշ ծախսեր և միջոցառումներ»,- ասել է ՀՀ-ում ԱՄՆ դեսպանատան մամուլի խոսնակ Թագուհի Ջահուկյանը: Վերջին 17 տարում առաջին բյուջետային ճգնաժամը սպառնում է ԱՄՆ-ին դեֆոլտով, որը կարող է իրականություն դառնալ հոկտեմբերի 17-ին: Կառավարական կառույցների ֆինանսավորման դադարեցումը հոկտեմբերի 1-ից հանրապետականների ու ժողովրդավարների միջև փոխզիջման բացակայության պատճառով, ստիպեց ԱՄՆ նախագահ Բարաք Օբամային այցելել արտակարգ իրավիճակների գործակալության կենտրոնակայան: Նա կոչ է արել Կոնգրեսին վերսկսել ֆինանսավորումն ու բարձրացնել արտաքին պարտքի վերին շեմը: Պետծառայությունների shutdown-ը (անջատումը) սկսվել է հոկտեմբերի լույս 1-ի գիշերը: Տարաձայնությունների կարգավորման վերջնաժամկետը հոկտեմբերի 17-ն է, երբ ԱՄՆ պետպարտքը կհասնի Կոնգրեսի հաստատած վերին շեմին: Եթե այդ վերին շեմը չավելացվի, ԱՄՆ կառավարությունը չի կարողանա վճարել պարտքերը և ստիպված կլինի սնանկ հայտարարել իրեն: Հոկտեմբերի 1-ից մոտ 800 հազար պետծառայողներ պարտադրված արձակուրդում են: IHS ընկերությունն ամենօրյա վնասը գնահատում է 300 մլն դոլար: Ըստ Սպիտակ տան, ԱՄՆ տնտեսությունը շաբաթական 10 մլրդ դոլար կկորցնի: «Հանգստանում է» նույնիսկ հատուկ ծառայությունների աշխատակիցների 70 տոկոսը, այդ թվում ՀԴԾ և ԿՀՎ աշխատակիցները: ԱՄՆ պետքարտուղար Ջոն Քերին հայտարարել է, որ ԱՄՆ դիրքը գլոբալ մասշտաբով կարող է թուլանալ, եթե Վաշինգտոնում բյուջետային միջոցների պակասի ճգնաժամը շարունակվի, հայտնում է «ՌԻԱ Նովոստի»-ն: «Եթե դա շարունակվի կամ կրկնվի, մարդիկ կսկսեն հարց տալ, թե արդյոք ԱՄՆ-ն մտադիր է ճիշտ ուղղություն վերցնել կամ ունա՞կ է դրան: Դեռևս դա այդպես չէ, և չեմ կարծում, թե այդպես կլինի»,- ասել է Քերին լրագրողներին Բալիում: Պետքարտուղարը նշել է, որ այսպես կոչված ֆինանսական Shutdown-ն ԱՄՆ-ում, որն արդեն 5 օր է՝ շարունակվում է, «կարճաժամկետ երևույթ է»: Photo: U.S. Embassy in Armenia FB page Հղումներ թեմայով. Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |