Եգիպտոսի փողոցներ են դուրս եկել Մուրսիի հազարավոր կողմնակիցներ19 հոկտեմբերի 2013 - 11:44 AMT PanARMENIAN.Net - Ուրբաթօրյա աղոթքից հետո Եգիպտոսի նախկին նախագահ Մոհամմեդ Մուրսիի հազարավոր կողմնակիցներ փողոց են դուրս եկել: Բողոքի երթի մասնակիցների ձեռքում պաստառներ էին, նրանք նաև կարգախոսներ էին բղավում պետական հեղաշրջման դեմ ու ի պաշտպանություն Եգիպտոսի նախկին ղեկավարի: Մասնավորապես, նախկին նախագահի կողմնակիցները դեմ են Աբդել Ֆաթհ աս Սիսիին, որը մասնակցել է Մուրսիի տապալմանը: Ֆայումում վիրավորվել է Եգիպտոսի նախկին ղեկավարի կողմնակիցներից մեկը: Չորս մարդ է տուժել Մուրսիի և Զաղազիգ քաղաքի բնակիչների միջև բախումներում: Հազարավոր իսլամիստներ բողոքում են Ալեքսանդրիայում: Իսկ Հելուանում երթին իրար են բախվել ժամանակ միկրոավտոբուսների վարորդներն ու Մուրսիի կողմնակիցները, հայտնում է Egypt Independent-ը: Ընդհանուր առմամբ, ինչպես նշում է Reuters-ը, բողոքները խաղաղ բնույթի են: Վերջին անգամ զանգվածային հուզումները, կապված իշխանությունից նախագահ Մուրսիի հեռացման հետ, տեղի են ունեցել երկու շաբաթ առաջ: Մահմեդական պետության բնակիչների հակասությունները վերածվեցին բախումների ու անկարգությունների: Նախկինում ցույցերը խաղաղ չէին, օրինակ, հոկտեմբերի 6-ին զանգվածային անկարգությունների հետևանքով 40 մարդ էր զոհվել, գրում է newsru.com-ը: Եգիպտոսի նախկին նախագահ Մոհամմեդ Մուրսին, պաշտոնանկ արվեց զինվորականների կողմից հուլիսին 3-ին զանգվածային բողոքի ակցիաներից հետո: Դրանից հետո «Մահմեդական եղբայրների» ղեկավարնության անդամներից շատերը ձերբակալվեցին երկրում բռնություն բորբոքելու մեղադրանքով: Նմանատիպ մեղադրանքով Մուրսիի դեմ գործը նախօրեին փոխանցվել է դատարան: Նոյեմբերի 4-ին կսկսվի նախկին նախագահի գործով դատավարությունը: «Մահմեդական եղբայրներ» շարժումը միջազգային կրոնական քաղաքական ասոցիացիա է, որը 1928 թվականին հիմնել է ուսուցիչ Հասան էլ Բաննան Եգիպտոսի Իսմաիլլի քաղաքում: 1933 թվականից ի վեր կազմակերպության կենտրոնակայանը տեղափոխվեց Կահիրե: Հասան էլ Բաննայի մահից հետո 1949թ., 1950-ին շարժման գաղափարախոսը դարձավ գրականագետ Սեյիդ էլ Կուտբը, որը 1966 թվականին մահապատժի ենթարկվեց: Ասոցիացիան բաժանմունքներ ունի Սիրիայում, Պաղեստինում, Իրաքում: Երկրորդ համաշխարհայինի վերջում այն արդեն 500 հազար անդամ ուներ: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |