 Իսրայելն առևտրի ազատ գոտում կգործակցի ՄՄ երկրների հետ 13 դեկտեմբերի 2013 - 16:58 AMT PanARMENIAN.Net - Իսրայելի ԱԳՆ ղեկավար Ավիգդոր Լիբերմանը հուսով է, որ արդեն 2014 թվականին կմշակվի և կստորագրվի Իսրայելի և ՄՄ երեք երկրների՝ Ռուսաստանի, Ղազախստանի ու Բելառուսի միջև առևտրի ազատ գոտու մասին համաձայնագիրը, հայտնում է «ՌԻԱ Նովոստին»: Այս շաբաթ նախարարն այցելել է Մոսկվա, որտեղ մասնակցել է ռուս-իսրայելյան միջկառավարական հանձնաժողովի նիստին որպես համանախագահ: «2014 թվականին համաձայնագիր կմշակվի ու կստորագրվի Իսրայելի, Ռուսաստանի և Մաքսային միության մյուս երկու երկրների՝ Ղազախստանի ու Բելառուսի միջև»,-ասվում է Facebook-ում Լիբերմանի պաշտոնական էջում զետեղված հաղորդագրության մեջ: «Միասնական առևտրային տարածքի, առևտրի ազատ գոտու մասին պայմանագրի ստորագրումը պետք է ազդանշան լինի գործարարների համար, որ վերևներում ՌԴ և Իսրայելի միջև գործընկերային հարաբերությունները շատ դրական են ընկալվում, քանի որ ազատ առևտրի գոտու մասին պայմանագրի ստորագրումը ենթադրում է քաղաքական հարաբերությունների բարձր մակարդակ»,-հավելել է նախարարը: Գալիք տարվա սկզբին Լիբերմանը ակնկալում է նաև, որ կավարտվի աշխատանքը Իսրայելի համար սկզբունքային նշանակություն ունեցող համաձայնության վրա ՌԴ տարածքում ԽՍՀՄ նախկին քաղաքացիների վաստակած կենսաթոշակների մասին: «Աշխատանքի գործնական մասն ավարտված է, մնացել են վերջին շտրիխները: Հուսով եմ, որ 2-3 ամսից մենք այն կլրամշակենք և այն կվավերացվի երկու երկրների խորհրդարաններում»,-ասել է Լիբերմանը: Այժմ ՌԴ կենսաթոշակ ստանում են միայն այն իսրայելցիները, որոնք պահպանել են ՌԴ քաղաքացիությունը: Foto: AFP Հղումներ թեմայով.    Մաքսային միություն Մաքսային միությունն իր աշխատանքը սկսել է 2010 թվականին: Սկզբում միությանն անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
