Լավրովը կհանդիպի Իրանի ու Սիրիայի ԱԳ նախարարներին15 հունվարի 2014 - 16:45 AMT PanARMENIAN.Net - Մոսկվայում կկայանա Իրանի, Ռուսաստանի ու Սիրիայի ԱԳ նախարարներ Մոհամմեդ Ջավադ Զարիֆի, Սերգեյ Լավրովի ու Վալիդ ալ Մուալլիմի եռակողմ հանդիպումը, տեղեկացնում է ՌԴ ԱԳՆ-ն: Հանդիպմանը կողմերը մտադիր են քննարկել Սիրիայի գծով «Ժնև-2» խորհրդաժողովի շրջանակում երեք երկրների դիրքորոշումների մերձեցման հարցերը: Երկուշաբթի՝ հունվարի 13-ին, Փարիզում ՌԴ ԱԳ նախարար Սերգեյ Լավրովի, ԱՄՆ պետքարտուղար Ջոն Քերիի ու Սիրիայի գծով ՄԱԿ ու ԱՊԼ դեսպանորդ Լահդար Բրահիմիի հանդիպմանը քննարկվել էր Ժնևում բանակցությունների շեմին հրադադարի հաստատման հնարավորությունը: Հայտարարվել էր նաև, որ դիտարկվում է հակամարտության կողմերի միջև գերիների փոխանակման հնարավորությունը: Սերգեյ Լավրովն ու Լահդար Բրահիմին նաև հայտարարել էին, որ բանակցություններին պետք է մասնակցի Իրանը, ինչին ԱՄՆ-ն դեմ է: Հունվարի 16-ին Զարիֆը նաև կհանդիպի ՌԴ նախագահ Վլադիմիր Պուտինին: 2011 թ. մարտին սկսված հակամարտության ընթացքում Սիրիայում զոհվել է շուրջ 125 հազար մարդ, մոտ 4,2 միլիոնը փախստական են դարձել սիրիական տարածքում, երկու միլիոն մարդ փախել է հարևան երկրներ: Փախստականների ընդունման հիմնական բեռն ընկել է Հորդանանի, Իրաքի, Լիբանանի ու Թուրքիայի վրա: Սիրիայի բնակչության ընդհանուր քանակը մինչ պատերազմը կազմում էր 20 միլիոն: Սիրիական կարգավորման «Ժնև-2» միջազգային խորհրդաժողովը կանցնի երկու փուլով: Այն կմեկնարկի հունվարի 22-ին շվեյցարական Մոնտրյո քաղաքում, իսկ հետո հունվարի 24-ին կշարունակվի Ժնևի Ազգերի պալատում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |