Հանրաքվե Եգիպտոսում. Ինչն էլ պահանջվում էր ապացուցել17 հունվարի 2014 - 11:42 AMT PanARMENIAN.Net - Սահմանադրության նոր խմբագրության վերաբերյալ հանրաքվեն Եգիպտոսում հավաքել է ձայների 95 տոկոսը: Ճիշտ է, դա մի փոքր քիչ է, քան արձանագրվեց Մուրսիի սահմանադրության դեպքում՝ այն ժամանակ «կողմ» քվեարկեց մասնակիցների 66 տոկոսը: Բայց այս քվեարկությունն առանձնահատուկ է՝ փաստորեն, եգիպտացիները խոստովանեցին, որ զինվորականներից լավ ոչ ոք չի կարող շտկել իրավիճակն երկրում: Հարց է առաջանում՝ ինչու էր պետք տապալել մի գեներալին, այսինք՝ Հոսնի Մուբարաքին, ի դեմս Աբդել Ֆաթթահ Աս Սիսի մեկ այլ գեներալ ունենալու համար: Հոսնի Մուբարաքի կառավարման 30 տարիներին եգիպտացիներն ընտելացել են քվեարկել հօգուտ իշխանության, կամ հօգուտ նրանց, ում իշխանություն են համարում: Մուհամմեդ Մուրսիի անփառունակ վերջը մեկ անգամ ևս ապացուցեց, որ Եգիպտոսը, ինչ էլ ասեն, այնուամենայնիվ աշխարհիկ երկիր է, որն ավելի շուտ դեպի Արևմուտք է կողմնորոշված, քան Արևելք, երկար չէր ապրի «Մահմեդական եղբայրների» իշխանության տակ, որոնք խարխլեցին առանց այլն էլ թույլ տնտեսությունը: Զբոսաշրջիկների հոսքի կտրուկ կրճատումը ստիպեց եգիպտացիներին ակամայից մտածել՝ իսկ արդյոք լավ է իսլամը, եթե այն չի ողջունում զբոսաշրջիկներին, ավելին, փորձում է քանդել պատմական հուշարձանները: Անգամ բուրգերը քանդելու գաղափար կար, որը ժամանակին կասեցվեց առավել սթափ դատող խորհրդարանականների կողմից: Իսկ լողափերում իսլամական «դրես-կոդ» մտցնելու փորձե՞րը…Բայց կարծես ամեն ինչ անցյալում է և որքան էլ «Եղբայրները» փորձեն, նրանց վերադարձը քաղաքական ասպարեզ կարճատև եղավ, բայց հասցրեց զգալի վնաս տալ. նրանք խաղեր էին սկսել «Հեզբոլլահի» հետ, սատարում էին սիրիացի իսլամիստներին: Հավանաբար, իրավացի էր Մուբարաքը, որը թույլ չէր տալիս նրանց մուտքը խորհրդարան, ինչպես և Գամալ Աբդել Նասերը, որը 1954-ին արգելեց կուսակցությունն ու մահապատժի ենթարկեց «Եղբայրների» գաղափարախոս Սաիդ Ալ Կուտբային 1966-ին: Սահմանադրության վերաբերյալ երկօրյա հանրաքվեին ոստիկանությունը 444 մահմեդական եղբայրների ձերբակալեց: Ինչպես հայտնում է ՆԳՆ-ն, նրանց մեղադրում են քվեարկությունը խափանելու փորձերի մեջ, նրանցից առգրավել են հրացաններ, սառը զենք ու պայթուցիկով շշեր: Հավանաբար, հանրաքվեի արդյունքում Աս Սիսին կընտրվի նախագահ և կփորձի վերադարձնել տնտեսությունը գոնե Մուբարաքի ժամանակների ցուցանիշներին, ինչն արդեն բավականին բարդ խնդիր է: Մինչդեռ, ԱՄՆ-ն պատրաստ է վերսկսել Եգիպտոսին ռազմական օգնությունը: Դա տարեկան մոտ կես միլիարդ դոլար է: Համապատասխան փաստաթուղթը պատրաստվում է Կոնգրեսում: Օգնությունը դադարեցվել էր Մուրսիի տապալումից հետո, սակայն Եգիպտոսն ԱՄՆ համար բացառիկ կարևորության գործընկեր է Մերձավոր Արևելքում: Հավանաբար, ԱՄՆ-ում մտածում էին, թե Մոհամմեդ Մուրսին, որին «օգնեցին» նախագահ դառնալ, դեպի ժողովրդավարացում կտանի երկիրը: Սակայն ժողովրդավարության մասին հասկացություններն իսլամիստների ու ամերիկացիների մոտ միանգամայն տարբեր են, եթե չասենք ավելին: Ըստ փորձագետների, այժմ Եգիպտոսն այն ճանապարհին չէ, որ կարողանա վստահորեն ու հույսով լի խոսել ժողովրդավարության մոտալուտ գալու մասին: Սակայն նաև այդ դեպքում Վաշինգտոնը կարևոր ռազմավարական շահեր ունի Եգիպտոսում, ուստի գործակցությունն Եգիպտոսի հետ կշարունակվի: Վաշինգտոնում նշում են, որ օգնությունը կվերսկսվի միայն ժողովրդավարացման ուղին պահպանելու և Իսրայելի հետ խաղաղ համաձայնությունները կատարելու դեպքում: Տեսակետ կա, որ Օբամայի վարչակազմը հուսալքված է Եգիպտոսին ժողովրդավարացման ուղու վրա դնելու հարցում: Այդ տեսակետից ֆինանսական օգնության վերսկսումը դիտարկվում է որպես ամերիկյան ազդեցությունն արաբական աշխարհի ամենախիտ բնակեցված երկրում պահպանելու փորձ: Կարինե Տեր-Սահակյան / PanARMENIAN.Net Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |