Հումանիտար օգնություն Ուկրաինային. Կիևը պատրաստ է ընդունել ՌԴ օգնությունը, իսկ Վրաստանը՝ միանալ առաքելությանը13 օգոստոսի 2014 - 12:35 AMT PanARMENIAN.Net - Վրաստանի նախագահ Գեորգի Մարգվելաշվիլին Ուկրաինայի նախագահ Պյոտր Պորոշենկոյի հետ հեռախոսազրույցում պատրաստակամություն է հայտնել միանալու Լուգանսկին տրամադրվող միջազգային հումանիտար օգնության առաքելությանը: Այս մասին հայտնել է Գրուզիա Online-ը նախագահի մամուլի ծառայության վրա հղումով: Մարգվելաշվիլին նշել է, որ Վրաստանը հասկանում է Ուկրաինայում տիրող իրավիճակի ողջ բարդությունը, քանի որ անցյալում ևս դարձել է ՌԴ ագրեսիայի օբյեկտ: Վրաստանի նախագահը նաև մտահոգություն է հայտնել Դոնբասում տիրող իրավիճակի վերաբերյալ և խնդրել է վրաց ժողովրդի անունից ցավակցել Ուկրաինայում մարդկային զոհերի կապակցությամբ: Նա նաև նշել է, որ Վրաստանն ամբողջապես սատարում է Ուկրաինային տարածքային ամբողջականության ու ինքնիշխանության համար պայքարում: Պյոտր Պորոշենկոն իր հերթին ուկրաինացի ժողովրդի անունից շնորհակալություն է հայտնել Գեորգի Մարգվելաշվիլիին աջակցության համար: Մինչդեռ, ըստ ԻՏԱՐ-ՏԱՍՍ-ի, հումանիտար բեռներով Ռուսաստանի ավտոշարասյունը, որին ուղեկցում է ԱԻՆ-ը, ժամանել է Վորոնեժ, որտեղից կշարունակի ճանապարհը դեպի Ուկրաինա: Շարասյունը բաղկացած է 280 բեռնատարներից: Նրանք տանում են դեղորայք, սննդամթերք, դիզելային գեներատորներ ծանր վիճակում հայտնված մարդկանց համար: Օգնությունը հավաքել են Մոսկվայի և Մոսկովյան շրջանի բնակիչները: Օգոստոսի 12-ին ՌԴ ԱԳՆ-ն նոտա ստացավ Ուկրաինայի ԱԳ նախարարությունից՝ օգնությունն ընդունելու պատրաստակամությամբ: Ինչպես հայտարարեց ՌԴ ԱԳ նախարար Սերգեյ Լավրովը, Մոսկվան հաշվի է առել ուկրաինական կողմի բոլոր նկատառումները, ներառյալ երթուղին, որն առաջարկել է Կիևը, չնայած, որ դա ենթադրում է, որ հարկ կլինի մեծ շրջադարձ անել: Նախարարը նաև հայտնել է, որ Ուկրաինան հրաժարվել է վերաբեռնել ամբողջ բեռը իր տրանսպորատյին միջոցների վրա սահմանին զննելուց հետո: Բանակցությունների ընթացքում կար նման առաջարկ: Բացի այդ, Ուկրաինայի իշխանությունները երաշխավորել են ռուսական հումանիտար առաքելության անվտանգությունն իրենց կողմից վերահսկվող տարածքում: Ավելի վաղ Ուկրաինան և Արևմուտքի երկրների կառավարությունները դեմ էին Ռուսաստանի մասնակցությանը նման գործողությանը՝ կասկածելով, որ դա կարող է քողարկում լինել անջատողականներին անմիջական ռազմական օգնություն ցուցաբերելու նպատակով: Մասնավորապես, ԱՄՆ նախագահ Բարաք Օբաման հայտարարեց, որ ցանկացած միջամտություն «հումանիտար» օգնության պատրվակով, կարող է իրականացվել միայն Ուկրաինայի կառավարության հետ համաձայնեցնելուց հետո և Կիևի թույլտվությամբ: ՆԱՏՕ-ի գլխավոր քարտուղար Անդերս ֆոգ Ռասմուսենն իր հերթին ասել է, որ միանգամայն հավանական է համարում Ռուսաստանի ներխուժումն Ուկրաինայի արևելք: Ինչպես ասել է Ռասմուսենը «Ռոյթերս» գործակալությանը, դաշինքում չեն տեսնում, որ Մոսկվան հետ է քաշել զորքերն Ուկրաինայի հետ սահմանից: Ավելի վաղ դաշինքը բազմիցս է հայտարարել Ուկրաինային սահմանակից ՌԴ շրջաններում ռուսական զորքերի մեծ կուտակումների մասին: Իր հերթին, Ֆրանսիայի ԱԳ նախարար Լորան Ֆաբիուսը գտնում է, որ ռուսական հումանիտար շարասյունը կարող է Մոսկվայի կողմից Ուկրաինայում իր մշտական ներկայությունը հաստատելու փորձ լինել: Photo: RIA Novosti Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |