  «Նաիրիտը» մինչև տարեվերջ կվճարի աշխատակիցների աշխատավարձերը՝ $15 մլն 5 նոյեմբերի 2014 - 13:30 AMT PanARMENIAN.Net - Մինչև տարեվերջ «Նաիրիտ» գործարանը մարելու է իր աշխատակիցների աշխատավարձերի ամբողջ պարտքը: Այս մասին հայտարարել է գործարանի մամուլի ծառայության պետ Անուշ Հարությունյանը՝ նշելով, որ ամբողջ գումարը կազմում է 15 մլն ԱՄՆ դոլար: «Այս մասին գործարանի ղեկավարությունն արդեն տեղյակ է պահել աշխատակիցներին»,- ասել է Անուշ Հարությունյանը, գրում է Aysor.am-ը: Բացի այդ, նա հաստատել է տեղեկությունը, թե գործարանում կրճատումներ են սպասվում: «Կրճատումների առաջին փուլը, ըստ էության, այն, ինչ մեզ հիմա հայտնի է, լինելու է մինչև 400 մարդ և միայն թոշակառուներ: Բայց թոշակառուներից նրանք, ովքեր այնպիսի մասնագետներ են, առանց ում գործարանը չի կարող շահագործվել, նորից աշխատել, ում գործունեությունը շատ կարևոր է գործարանի համար, իրենց փոխարինողներ չկան, այդ մարդիկ նորից կընդունվեն աշխատանքի՝ աշխատանքային պայմանագրերով»,- ասել է գործարանի մամուլի ծառայության պետը: «Առայժմ ընդամենը խոսվում է մոտ 400 մարդու մասին, որոնցից շատերը մասնագետներ են ու նրանք, ամենայն հավանականությամբ, նորից կընդունվեն աշխատանքի արդեն աշխատանքային պայմանագրերով: Բայց այդ ամենը կլինի միայն աշխատավարձերի վճարումից հետո, այսինքն՝ սկսած 2015-ի հունվարից»,- հավելել է «Նաիրիտի» ներկայացուցիչը: Ավելի վաղ Կառավարությունից հայտնել են, որ «Նաիրիտ»-ի խնդիրները մշտապես ուշադրության կենտրոնում են: Սեպտեմբերի 19-ին էներգետիկայի և բնական պաշարների նախարարությունում տեղի է ունեցել գործարանի խնդիրներին նվիրված խորհրդակցություն, որին մասնակցել են ԱԺ պատգամավորներ, խմբակցությունների անդամներ, գիտնականներ, գործարանի ղեկավարներ ու ներկայացուցիչներ, ինչպես նաև՝ լրատվամիջոցներ: Նախարարության նախաձեռնած այդ բազմակողմանի հանդիպման հիմնական նպատակն էր ընտրել ճիշտ ուղիներ իրավիճակի բարելավման և ընկերության վերագործարկման համար, ինչպես նաև, համատեղ քննարկել «Նաիրիտի» շուրջ ծագած խնդիրները, դրանց լուծման եղանակներն ու հետագա անելիքները: «Նաիրիտ» գիտաարտադրական միավորումը ԽՍՀՄ տարածքում քլորոպրենային կաուչուկի արտադրության մենաշնորհ ուներ: 2006-ին ընկերության բաժնետոմսերի 90 տոկոսը 40 մլն դոլարով վաճառվել էր Rhinoville Property Limited բրիտանական կոնսորցիումին, բաժնետոմսերի մնացած 10 տոկոսը Հայաստանի կառավարությանն է: 2010-ի ապրիլից արտադրությունը գործարանում դադարեցվել է: Հայաստանի կառավարությունը, «Որոտան hիդրոէլեկտրակայանների hամալիր» ՓԲԸ-ն ու ամերիկյան «Քոնթուր գլոբալ հիդրոկասկադ» և «Սի-Ջի սոլյուշնս գլոբալ hոլդինգ քամփնի» ընկերությունները հունվարի 29-ին գույքի 180 մլն դոլար արժողությամբ առուվաճառքի պայմանագիր էին ստորագրել: Ըստ գործարքի, առաջիկա 6 տարվա ընթացքում Որոտանի երեք ՀԷԿ-երն արդիականացնելու ու վերանորոգելու համար պետք է ներդրվի մոտ 70 մլն դոլար: Կապիտալ ներդրումների և ծախսերի ծրագիրը պետք է ներկայացվի, քննարկվի և համաձայնեցվի Հանրային ծառայությունները կարգավորող հանձնաժողովի հետ:  Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
