Ադրբեջանում հերթական ընդդիմադիրն է ձերբակալվել10 նոյեմբերի 2014 - 13:01 AMT PanARMENIAN.Net - Նոյեմբերի 10-ի առավոտյան Բաքվի օդանավակայանում Թբիլիսի մեկնելիս ձերբակալվել է բլոգեր, Ազատության և թղթակիցների անվտանգության ինստիտուտի աշխատակից Մեհման Հուսեյնովը: Այդ մասին հայտնում է Contact.az-ը լրագրող Հադիջա Իսմայլովայի վրա հղումով: Նոյեմբերի 10-ին բլոգերը պատրաստվում էր մասնակցել ԵԱՀԿ խորհրդաժողովին Թբիլիսիում: Սակայն, դեռևս 2012-ի ամռանը Հուսյենովին մեղադրեցին ոստիկանի դեմ խուլիգանական գործողությունների մեջ, քրեական գործ հարուցեցին ու արգելեցին մեկնել երկրից: Հետաննության ժամկետի ավարտի պատճառով Հուսեյնովը դիմեց դատախազին՝ խնդրելով հանել արտասահմանյան ուղևորությունների արգելքը, որտեղ նրան խորհուրդ տվեցին դիմել ոստիկանություն, սակայն պատասխան չտրվեց նաև այնտեղ: Նոյեմբերի 10-ին բլոգերը որոշեց մեկնել ԵԱՀԿ խորհրդաժողովին, սակայն նա ձերբակալվեց «համակարգում աձնագրի բացակայության» պատրվակով: Հետո Հուսեյնովին «անձնագիրը կեղծելու կասկածանքով» հանձնեցին օդանավակայանի ոստիկանության աշխատակիցներին: ՆԳՆ օդային տրանսպորտի ոստիկանության վարչությունում հայտարարեցին, որ նա հետախուզման մեջ է ոստիկանության կողմից: 2013-ի հոկտեմբերին տեղի ունեցած նախագահական ընտրություններից հետո Ադրբեջանի կառավարությունը քաղաքական ընդդիմադիրներին ու ակտիվիստներին ճնշելու արշավ սկսեց: Մի շարք օրենքներում ուղղումներ կատարվեցին ՈԿԿ գործունեության վերաբերյալ: 2014-ի կեսերին Ադրբեջանում կտրուկ աճեցին քաղաքական դրդապատճառներով ձերբակալությունները:Հուլիսի 30-ին Լեյլա Յունուսին ձերբակալեցին պետական դավաճանության, հարկերի վճարումից խուսափելու, ապօրինի ձեռնարկատիրության, փաստաթղթեր կեղծելու և խոշոր չափի խարդախության մեջ: Նրա ամուսնուն՝ Արիֆ Յունուսին ձերբակալեցին օգոստոսի 5-ին, երբ նրան մեղադրանք ներկայացվեց պետդավաճանության և խոշոր չափի խարդախության համար: Լեյլա Յունուսը Բաքվի Խաղաղության ու ժողովրդավարության ինստիտուտի տնօրեն է, զբաղվում է քաղբանտարկյալների պաշտպանությաբ, ինչպես նաև Հայաստանի հետ երկխոսության հաստատման ու ժողովրդական դիվանագիտության նախաձեռնողներից է, ինչն էլ առիթ հանդիսացավ նրան պետական դավաճանության մեջ մեղադրելու համար:Ավելի վաղ Ազգային անվտանգությունը ձերբակալել է հայտնի լրագորղ Ռաուֆ Միրկադիրովին՝ Հայաստանի համար լրտեսելու մեղադրանքով: Նա այդ հանցագործությունն իբր կատարել է 2008-2009 թվականներին, հայերին կարևոր փաստաթղթեր հանձնելով Խաղաղության ու ժողովրդավարության ինստիտուտի կազմակերպած միջոցառման շրջանակում, որի ղեկավարն է Լեյլա Յունուսը: Ուստի, հավանաբար, Յունուսներին ցանկանում են մեղադրել մեղասակցության մեջ: Վերջին տարիներին ձերբակալվել է առնվազն 40 լրագրող, քաղաքացիական և քաղաքական ակտիվիստներ ու իրավապաշտպաններ տարբեր շինծու մեղադրանքների հիման վրա: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը Կիրանցում ցուցարարներին միացած զինվորականների նկատմամբ քրվարույթ է նախաձեռնվել 2 զինծառայող տեսաուղերձում ասում է, որ գնացել են Կիրանց պահի ազդեցության տակ և զղջում են կատարվածի համար |