Գլխավոր վեհաժողովի որոշմամբ ՄԱԿ-ը կզարգացնի գործակցությունն ԱՊՀ, ՀԱՊԿ և ՇՀԿ հետ12 նոյեմբերի 2014 - 13:30 AMT PanARMENIAN.Net - ՄԱԿ Գլխավոր վեհաժողովը որոշել է զարգացնել գործակցությունն Անկախ պետությունների համագործակցության (ԱՊՀ), Հավաքական անվտանգության պայմանագրի կազմակերպության (ՀԱՊԿ) և Շանհայի համագործակցության կազմակերպության (ՇՀԿ) ու այլ տարածաշրջանային կազմակերպությունների հետ: Համապատասխան բանաձևերն ընդունվել են փոխհամաձայնության սկզբունքով: Ընդունված փաստաթղթերում մասնավորապես ասվում է, որ ՇՀԿ «վերածվել է կարևորագույն տարածաշրջանային կազմակերպության անվտանգությանն առանչվող հարցերի քննարկման համար բոլոր տեսակետներից», իսկ ՀԱՊԿ-ը իր գոյության ընթացքում «վերափոխվել է բազմաֆունկցիոնալ կառույցի, որի ներուժը թույլ է տալիս համարժեք արձագանքել մարտահրավերների լայն շրջանակի իր պատասխանատվության գոտում»: Գլխավոր վեհաժողովը ողջունել է ՄԱԿ և նրա հաստատությունների հետ գործակցությունն «ակտիվացնելու ու խորացնելու» ԱՊՀ ձգտումը՝ վստահություն հայտնելով, որ դա «կնպաստի ՄԱԿ գաղափարների առաջ մղմանը»: Ներկայացնելով ՀԱՊԿ և ՇՀԿ վերաբերյալ փաստաթղթերի նախագծերը՝ ՄԱԿ-ում ՌԴ մշտական ներկայացուցիչ Վիտալի Չուրկինը նշել է, որ «տարածաշրջանային կազմակերպության գործունեությունը ժամանակակից միջազգային հարաբերությունների անբաժան մասն է»: «Նրանց արդյունավետ աշխատանքը տեղերում անվտանգության ապահովման, առևտրային հարաբերությունների ու հումանիտար կապերի զարգացման կարևոր բաղադրիչ է»: ՌԴ մշտական ներկայացուցիչը նշել է, որ Շանհայի համագործակցության կազմակերպության «գործունեությունն ուղղված է փոխադարձ վստահության ամրապնդմանը, տնտեսության, կրթության, էներգետիկայի ու այլ ոլորտներում գործակցության խթանմանը»,-ասել է Չուրկինը: ՀԱՊԿ-ը նա բնութագրել է որպես բազմաճյուղ կառույց, որը կարող է «վստահորեն արձագանքել արդի մարտահրավերներին ու սպառնալիքներին, որոնց բախվում են անդամ երկրները»: «Մեր կազմակերպությունը նաև խաղաղապահ գործողությունների անցկացման ներուժ ունի, այդ թվում ՄԱԿ հովանու ներքո»,-ասել է նա: Ավելի վաղ ՀԱՊԿ գլխավոր քարտուղար Նիկոլայ Բորդյուժան հայտարարեց, որ ՀԱՊԿ-ը կասեցրել է ՆԱՏՕ-ի հետ երկխոսության հաստատմանն ուղվված ջանքերը «դաշինքի ոչ կառուցողական և թշնամական» գործողությունների պատճառով: «Հաշվի առնելով ՆԱՏՕ-ի ոչ կառուցողական ու հաճախ նաև թշնամական գործողությունները ՌԴ ու ՀԱՊԿ դեմ…կասեցվել են ՆԱՏՕ-ի հետ երկխոսության հաստատման ջանքերը»,-հայտարարել է նա ՀԱՊԿ խորհրդարանական վեհաժողովում: Գլխավոր քարտուղարը նշել է, որ կազմակերպությունը կզարգացնի հետագա գործակցությունը ԵԱՀԿ հետ, կամրապնդի գործակցությունը ՇՀԿ հետ և կապեր կհաստատի Լատինական Ամերիկայի ու Իրանի հետ: Չուրկինը հիշեցրեց նաև ԽՎ պատգամավորներին, որ 2015-ի հունվարի 1-ից Եվրասիական տնտեսական ընկերակցության (ԵվրԱզԷՍ) հիման վրա ստեղծվում է Եվրասիական տնտեսական միությունը (ԵՏՄ): «Այժմ ԵՏՄ-ին անդամակցում են ՌԴ-ն, Բելառուսն ու Ղազախստանը, սակայն միությունը բաց է ցանկացած պետության անդամակցության համար, որը կկիսի նրա ծրագրերն ու սկզբունքները»,-հայտարարել է ՌԴ մշտական ներկայացուցիչը: «Վստահ ենք, որ ԵՏՄ կայացման հետ մեկտեղ նրա փորձն ու ներուժը պահանջված կդառնա միջազգային հանրության կողմից, հատկապես 2015-ից հետո զարգացման նոր օրակարգի մշակման համատեքստում, որը նոր ուղենիշ կլինի ՄԱԿ-ի հետ միության գործակցության կոնկրետ պարամետրերի որոշման համար»,-ասել է նա: Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվեց Եվրասիական տնտեսական միության մասին պայմանագրին Հայաստանի միանալու մասին պայմանագիրը: Այն ուժի մեջ կմտնի 2015-ի հունվարի 1-ից: Բելառուսի մշատական ներկայացուցիչ Անդրեյ Դյուկասն իր հերթին նշեց, որ կազմակերպությունների միջև հարաբերությունները «զարգանում են»: «Վերջին տարիներին ՄԱԿ և ԱՊՀ գործակցության զգալի փորձ է կուտակվել»,-ասել է դիվանագետը: Նա նշել է, որ բանաձևի ընդունումը կոչված է «համակարգային հիմք» ապահովելու գործակցության «գործնական բաղադրիչի» համար: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |