 Եվրասիական ինտեգրումը բաց է ոչ միայն ԱՊՀ երկրների համար. Հետաքրքրված է նաև Հունաստանը 4 դեկտեմբերի 2014 - 12:13 AMT PanARMENIAN.Net - Եվրասիական ինտեգրումը բաց է ԱՊՀ երկրների համար, հայտարարել է «Ռոսսոտրուդնիչեստվո»-ի ղեկավար Կոնստանտին Կոսաչովը Մոսկվայում կայացած «Հասարակական դիվանագիտությունը հանուն եվրասիական ինտեգրման» միջազգային խորհրդաժողովում: Ըստ նրա, դա փոխշահավետ գործընթաց է, որը հաշվի է առնում մասնակից երկրների քաղաքացիների շահերը: «Մեր նպատակն է համախմբել և մոբիլիզացնել ջանքերը, որպեսզի ԵՏՄ-ն զարգանա արագ տեմպերով»,-ասել է Կոսաչովը՝ հավելելով. «Հուսով ենք, որ 2015-ի հունվարի 1-ց միության լիիրավ անդամ կդառնա Հայաստանը, իսկ նրան կհաջորդի Ղրղզստանը»: ՌԴ ԱԳ նախարար Սերգեյ Լավրովի ողջույնի խոսքում ասվում էր, որ հետխորհրդային տարածքում ինտեգրման գործընթացների հետևողական խորացումը իրավահավասար փոխշահավետ հիմքի վրա Ռուսաստանի արտաքին քաղաքականության առանցքային գերակայություններից է, հայտնում է «Ռոսիյսկայա գազետան»: Ինչպես գրում է «Միր 24»-ը, եվրասիական միավորման գործընթացն անցնում է ոչ միայն հետխորհրդային տարածքում, լուրջ հեռանկարներ է այստեղ տեսնում, օրինակ, Հունաստանը: «Հիմա Հունաստանում տնտեսական առումով բավականին բարդ շրջան է: Մենք գտնում ենք, որ հույն ձեռներեցները շատ բան ունեն առաջարկելու և շատ բան կարող են ստանալ ԵՏՄ բոլոր մասնակից երկրների հետ համագործակցությունից»,-վստահ է Հունաստանի ԱԳ փոխնախարար, Հունա-եվրասիական գործարար խորհրդի նախագահ Սպիրոս Կուվելիսը: Հատուկ շեշտը դրվում է հենց տնտեսական գործակցության վրա: Բուն եվրասիական ինտեգրման գաղափարն այն է, որ դրական արդյունքը զգան սովորական մարդիկ: Եվս մեկ կարևոր սկզբունք է բացարձակ հավասար գործընկերությունը: Բացի այդ, վստահ են խորհրդաժողովի մասնակիցները, նման միավորումը չի հակադրում իրեն նման այլ նախագծերին, օրինակ, եվրոպական: Երկխոսությունը հնարավոր է, ասվում է հրապարակման մեջ: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին: Նոյեմբերի 14-ին Հայաստանի Սահմանադրական դատարանը Եվրասիական տնտեսական միությանը Հայաստանի անդամակցության մասին պայմանագիրը համարեց ՀՀ Սահմանադրությանը համապատասխանող: Պայմանագիրն ընդգրկվել է Ազգային ժողովի նիստի օրակարգում: Նոյեմբերի 21-ին ՌԴ կառավարությունը հավանություն տվեց ԵՏՄ-ին Հայաստանի անդամակցությանը: Դեկտեմբերի 2-ին ՌԴ նախագահ Վլադիմիր Պուտինը Պետդումայի վավերացմանը ներկայացրեց ԵՏՄ-ին ՀՀ միանալու մասին օրինագիծը: ՌԴ տնտեսական զարգացման նախարար Ալեքսեյ Ուլյուկաևը նոյեմբերի 25-ին հայտարարեց, որ նախարարությունը նամակ է հղել Եվրահանձնաժողովին, առաջարկելով նոր երկխոսություն սկսել Եվրասիական տնտեսական միության (ԵՏՄ) և Եվրամիության միջև էկոնոմիկայի և գործարար գործակցության վերաբերյալ: «Մենք պետք է ինտեգրացիոն ապագա որոնենք Եվրասիական տնտեսական միության ու Եվրամիության միջև: Ահա հիմա ձևովորվել է Եվրոպական ընկերակցության նոր հանձնաժողովը, մենք հուսով ենք, որ մեր երկխոսությունը կակտիվանա, մենք մեր եվրոպացի գործընկերների համար կազմել ենք օրակարգի մեր տեսլականը: Ես համապատասխան նամակ եմ հղել Եվրահանձնաժողովին»,-ասել է նախարարը: Նա պարզաբանել է, որ խոսքը գնում է միասնական տարածքի ձևավորման մասին առանց բաժանարար գծերի, ձեռներեցության զարգացման մասին, Ռուսաստան-ԵՄ երկխոսության վերսկսման, ինչպես նաև «Գործընկերություն արդիականացման համար» նախագծի շրջանակում գործակցությունը շարունակելու վերաբերյալ: Ի պատասխան ԳԴՀ կանցլեր Անգելա Մերկելը հայտարարեց, որ Եվրամիությունը պատրաստ է ԵՏՄ հետ երկխոսության:    Եվրասիական տնտեսական միությանը Հայաստանի անդամակցման գործընթացը Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվել է Եվրասիական տնտեսական միության մասին պայմանագրին Հայաստանի միանալու մասին պայմանագիրը:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
