Հունաստանում Հունա-եվրասիական գործարար խորհուրդ է ստեղծվել 9 դեկտեմբերի 2014 - 11:22 AMT PanARMENIAN.Net - Հունաստանում Հունա-եվրասիական գործարար խորհուրդ է ստեղծվել, որի մասնակիցները մտադիր են աշխատել Եվրասիական տնտեսական միության տարածքում, հայտնել է խորհրդի փոխնախագահ Զոյա Կիպրիյանովան: «Հունա-եվրասիական գործարար խորհուրդը հիմնվեց ընթացիկ տարվա սեպտեմբերին: Նրա նախագահն է Հունաստանի ԱԳ նախկին նախարար Սպիրոս Կուվելիսը, փոխնախագահներ Ալեքսանդր Անգելոպուլոսը (փոխնախագահ և «Ալդեմար» հյուրանոցների ցանցի սեփականատեր) և Զոյա Կիպրիյանովան, որը Հունա-ռուսական առևտրային պալատի նախկին փոխնախագահն է: Անգելոպուլոսն աշխատում է տարբեր փորձագիտական խորհուրդներում Հունաստանում հեղինակություն ունեցող ինստիտուտներում ու կազմակերպություններում»,-ասել է Կիպրիյանովան: «Խորհրդի նպատակն է զարգացնել գործարար հարաբերությունները ինչպես ԵՏՄ, այնպես էլ այլ անդրազգային նախագծերում, զարգացնելով նաև երկկողմ հարաբերությունները ԵՏՄ անդամ բոլոր երկրների՝ ՌԴ, Ղազախստանի, Բելառուսի, իսկ հունվարի 1-ից նաև Հայաստանի հետ: Այսինքն աշխատանքն իրագործվելու է երկու մակարդակում՝ ազգային ու անդրազգային: Քանի որ ԵՏՄ-ն կունենա ապրանքների, ծառայությունների, կապիտալի, աշխատուժի տեղաշարժի միասնական շուկա, մենք կմասնակցենք ապրանքների միասնական շուկային: Մենք մտադիր ենք աշխատել եվրասիական տարածքում»,-ասել է Կիպրիյանովը, հայտնում է ՌԻԱ Նովոստին: Ըստ նրա, Կուվելիսը Մոսկվայում հանդիպումներ է ունեցել Եվրասիական հանձնաժողովում բարձր մակարդակում: Կիպրիյանովան ասաց, որ գործարար խորհրդի աշխատանքին մասնակցելու նախնական մտադրություն են արդեն հայտնել մի քանի խոշոր գործարարներ, խոշոր ընկերություններ: «Առաջին փուլում մենք աշխատելու ենք հիմնականում խոշոր ընկերությունների հետ: Բնականաբար, մենք ներկայացնում ենք խոշոր բիզնեսի շահերը, որը շահագրգռված է դուրս գալ հենց անդրազգային նախագծերի մակարդակ ԵՏՄ տարածքում»,-ասել է նա: Ավելի վաղ հայտնի դարձավ, որ Հունաստանը մտադիր է համագործակցել ԵՏՄ հետ: «Հիմա Հունաստանում տնտեսական առումով բավականին բարդ շրջան է: Մենք գտնում ենք, որ հույն ձեռներեցները շատ բան ունեն առաջարկելու և շատ բան կարող են ստանալ ԵՏՄ բոլոր մասնակից երկրների հետ համագործակցությունից»,-վստահ է Հունաստանի ԱԳ փոխնախարար, Հունա-եվրասիական գործարար խորհրդի նախագահ Սպիրոս Կուվելիսը: Ազգային ժողովը դեկտեմբերի 4-ին վավերացրեց ԵՏՄ-ին Հայաստանի անդամակցության մասին պայմանագիրը: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին: Նոյեմբերի 14-ին Հայաստանի Սահմանադրական դատարանը Եվրասիական տնտեսական միությանը Հայաստանի անդամակցության մասին պայմանագիրը համարեց ՀՀ Սահմանադրությանը համապատասխանող: Պայմանագիրն ընդգրկվել է Ազգային ժողովի նիստի օրակարգում: Նոյեմբերի 21-ին ՌԴ կառավարությունը հավանություն տվեց ԵՏՄ-ին Հայաստանի անդամակցությանը: Դեկտեմբերի 2-ին ՌԴ նախագահ Վլադիմիր Պուտինը Պետդումայի վավերացմանը ներկայացրեց ԵՏՄ-ին ՀՀ միանալու մասին օրինագիծը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |