Իրանի նախագահը զգուշացնում է. Նավթի գնանկումը հրահրող երկրներն ափսոսալու են14 հունվարի 2015 - 10:55 AMT PanARMENIAN.Net - Նավթի համաշխարհային գների անկումը հրահրած երկրները կափսոսան իրենց որոշման համար և կտուժեն բացասական հետևանքներից նույնքան, որքան Իրանը: Նման կարծիք է հայտնել Իրանի նախագահ Հասան Ռոուհանին: 2014-ի ամռան սկզբից նավթի գները նվազել են 50 տոկոսով: Չնայած դրան ՕՊԵԿ շատ երկրներ հայտարարում են, որ մտադիր չեն կրճատել արդյունահանման ծավալները, հայտնում է Russia Today-ը: Իրանի տնտեսությունը տուժում է նավթի գների անկումից, խոստովանել է նախագահ Ռոուհանին Բուշերում կայացած հանրահավաքում: Սակայան, ըստ նրա, Սաուդյան Արաբիան ու Քուվեյթն ավելի շատ կկորցնեն: «Նավթի գների անկումը հրահրած երկրները կափսոսան իրենց որոշման համար: Եթե Իրանը տուժում է նավթի գների անկումից, իմացեք, որ մյուս նավթ արդյունահանող երկրներն ավելի շատ կտուժեն»,- մեջբերում է Ռոուհանիի խոսքը ՌԻԱ Նովոստի գործակալությունը: Ռոուհանին անդրադարձել է Քուվեյթին՝ հիշեցնելով, որ այդ երկրի բյուջեն 95 տոկոսով կախված է սև ոսկու արտահանումից: Ուստի 2015-ին նրա բյուջեն կհամալրվի ընդամենը 33 տոկոսով: Ռոուհանին նշել է, որ Իրանը ճնշում չի գործադրում նավթի համաշխարհային գների վրա, ինչպես նաև վստահություն է հայտնել, որ անկումը տևական չի լինի: «Արևմտյան երկրները կարծում են, որ խնդիրներ են ստեղծում Իրանի համար, սակայն դա սպասված արդյունքը չի տա»,-հայտարարել է նա: Ըստ նրա, Թեհրանը կարող է փոխհատուցել կորուստները: «Սպառնալիքների ու պատժամիջոցների դարաշրջանն ավարտվել է»,-ասել է Իրանի նախագահը: Իրանի բյուջեի 60 տոկոսն է համալրվում նավթի արտահանման շնորհիվ, ուստի երկիրը մտադիր է ավելացնել նավթի հետ կապ չունեցող ապրանքների առևտրից ստացվող մուտքերը: Միացյալ Արաբական Էմիրությունների էներգետիկայի նախարար Սուհեյլ Ֆարաջ ալ Մարուզին հայտարարեց, որ ՕՊԵԿ-ը այլևս չի կարող պահել նավթի գները: Հունվարի 11-ին Իրանի ու Վենեսուելայի նախագահները համաձայնագիր կնքեցին նավթի գների հետագա նվազումը կանխելուն ուղղված համատեղ գործողությունների մասին: 2014-ի նոյեմբերի 27-ին Վիեննայում տեղի ունեցավ ՕՊԵԿ հերթական գագաթնաժողովը, որի ժամանակ քննարկվեց նաև նավթի արդյունահանման քվոտաների նվազեցման հարցը: Գործող քվոտան օրական մոտ 30 մլն բարել է: Կազմակերպության որոշ անդամներ՝ Վենեսուելան կամ Իրանը, ինչպես նաև դիտորդի կարգավիճակ ունեցող Ռուսաստանը, փորձեցին պնդել, որ արդյունահանումը նվազեցվի՝ գների աճին նպաստելու համար: Արաբական երկրներն ավելի վաղ հայտարարել էին, թե մտադիր չեն նվազեցնել արդյունահանումը՝ Սաուդյան Արաբիան հայտարարել էր, որ պատրաստ է մեկ բարելի դիմաց 80 դոլար գնին երկու տարվա ընթացքում: Իսկ Քուվեյթը հայտարարել էր, որ պատրաստ է հանդուրժել նույնիսկ 76-77 դոլարը մեկ բարելի դիմաց: Գնանկման վրա ազդում է, մասնավորապես, ԱՄՆ-ում թերթաքարային նավթի արդյունահանման ծավալների աճն ու սպառման նվազումը: Գնանկումը ձեռնատու է արաբական երկրներին՝ նվազում է այլընտրանքային ամերիկյան թերթաքարային նավթի շահութաբերությունը, նոր-նոր պատժամիջոցներից ձերբազատվող Իրանի եկամուտներն են պակասում: Ավելի վաղ հայտարարվել էր, որ մեկ բարելի գնի նվազումը մեկ դոլարով կրճատում է Ռուսաստանի եկամուտը եկու միլիարդ դոլարից: Եվրոպան, հակառակը, գնանկումից շահում է: Եթե ցածր գները պահպանվեն, ԵՄ-ն մինչև 25 մլրդ դոլար կտնտեսի արդեն այս տարի, ներկրումը տարեսկզբից կազմել է 475 դոլար: Եթե նավթի գինը մեկ բարելի դիմաց շարունակի 80 դոլարի շեմից ցածր մնալ նաև 2015-ին, նավթի ներկրումը ԵՄ կնվազի մինչև 425 մլրդ դոլար տարեկան կտրվածքով: Դա 80 մլրդ քիչ է եվրոպական նավթային ներկրումից 2013-ին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |