ՌԴ, Բելառուսի և Ղազախստանի ղեկավարներն Աստանայում կքննարկեն իրավիճակն Ուկրաինայում 9 մարտի 2015 - 16:53 AMT PanARMENIAN.Net - Ռուսաստանի նախագահ Վլադմիր Պուտինը Ղազախստանի իր պաշտոնակից Նուրսուլթան Նազարբաևի հրավերով մարտի 12-13-ին կայցելի Աստանա, մասնակցելու համար ՌԴ, Բելառուսի և Ղազախստանի նախագահների հանդիպմանը, հայտնում է ՌԻԱ Նովոստին: ՌԴ, Բելառուսի և Ղազախստանի ղեկավարներն Աստանայի հանդիպմանը կարծիքներ կփոխանակեն միջազգային արդիական հարցերի շուրջ՝ առաջնահերթ քննարկելով Ուկրաինայում ստեղծված իրավիճակը: Փետրվարի 12-ին կայացած «նորմադական քառյակի» բանակցություններն անցան Դոնբասում իրավիճակի կտրուկ սրման պայմաններում՝ ուկրաինացի ուժայինների հրահրմամբ, որոնք ուժեր կուտակելով, գրոհեցին աշխարհազորայինների դիրքերը: 16-ժամ տևած բանակցություններից հետո ՌԴ նախագահ Վլադիմիր Պուտինը դուրս եկավ լրագրողների մոտ և պարզաբանեց, թե ինչու է իր տեսակետից համաձայնեցումը երկար տևել: «Կարծում եմ, որ պատճառն այն է, որ ցավոք, մինչ օրս Կիևը հրաժարվում է ուղիղ շփումներից Դոնեցկի և Լուգանսկի ժողովրդական հանրապետությունների ներկայացուցիչների հետ»,-ասել է նա: «Եվ եթե նրանք ցանկանում են երկարաժամկետ պայմանավորվածության հասնել, հարկ կլինի ուղիղ շփումների գնալ»,-վստահ է Պուտինը: Իսկ առայժմ նա գերադասում է «աշխատել այն պայմաններում, որոնք կան»: «Նորմանդական քառյակի» ձևաչափով Մինսկում կայացած բանակցություններում հաջողվեց պայմանավորվել հրադադարի մասին Դոնբասի հակամարտության գոտում փետրվարի 15-ի կեսգիշերից, ծանր սպառազինությունը հետ քաշելու, ինչպես նաև իրավիճակի երկարաժամկետ քաղաքական կարգավորմանն ուղղված միջոցների մասին: Բանակցություններին մասնակցել են Ռուսաստանի նախագահ Վլադիմիր Պուտինը, Ուկրաինայի նախագահ Պյոտր Պորոշենկոն, ԳԴՀ կանցլեր Անգելա Մերկելը և Ֆրանսիայի նախագահ Ֆրանսուա Օլանդը: Փետրվարի 16-ին հայտնի դարձավ, որ «նորմանդական քառյակի» երկրների ղեկավարները հեռախոսազրույցներում համակարծիք են եղել այն հարցում, որ հրադադարն Ուկրաինայի արևելքում հիմնականում պահպանվում է: Ըստ նախնական պայմանավորվածության, չորս պետւթյունների ղեկավարները շարունակում են քննարկել Խաղաղ կարգավորմանն ուղղված համալիր միջոցների իրականացմանն առնչվող հարցեր: «Հատուկ շեշտադրվել է հակամարտ ուժերի կողմից հրադադարի անխախտ պահպանումն ու ծանր սպառազինությունը հետ քաշելու պայմանավորվածությունը»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |