Տաջիկստանը դեռ չի կողմնորոշվել ԵՏՄ-ին անդամակցելու հարցում. «Աշխարհագրական փակուղում» է14 մայիսի 2015 - 13:10 AMT PanARMENIAN.Net - Տաջիկստանն ուսումնասիրում է հնարավոր առավելություններն ու կորուտսները ԵՏՄ-ին անդամակցելու դեպքում և դեռևս վերջնական որոշում չի կայացրել, մայիսի 14-ին հայտարարել է հանրապետության ԱԳ նախարար Սիրոջիդդին Ասլովը: «Մենք մինչ օրս քննարկում ենք պոտենցիալ դրական և բացասական հետևանքները»,-ասել է Ասլովը Դելիում հնդիկ պաշտոնակցի հետ բանակցությունների ավարտին: «Տաջիկստանը դիտարկում է տնտեսական կազմակերպությունների անդամակցելու մասին ցանկացած առաջարկ` ելնելով սեփական շահերից»,-ասվում է նրա հայտարարության մեջ: Ասլովը հիշեցրել է լրագրողներին, որ «Տաջիկստանը գտնվում է «աշխարհագրական փակուղում»` երկիրը չունի ելք դեպի ծով, երկաթուղին անցնում է Ուզբեկստանով, որի հետ քաղաքական հարաբերությունները բարդ են, իսկ ավտոմոբիլային ճանապարհներով երթևեկությունը Չինաստան և Ղրղզստան դժվարացնում է լեռնային ռելիեֆը, հայտնում է Ինտերֆաքսը: «Մեր տնտեսությունը խոցելի է. տարածքի 93 տոկոսը լեռներ են, և միայն 7 տոկսոն է պիտանի գյուղատնտեսության, արդյունաբերական կամ այլ գործունեության համար: Մենք ներկրում ենք անհրաժեշտ ապրանքների ավելի քան 50 տոյոսը և հումքի 70 տոկոսը: Մեր տնտեսությունը նաև կախում ունի մի շարք գործոններից, ուստի մենք շատ զգուշավոր ենք որևէ տնտեսական կազմակերպություններին անդամակցելու հարցում»,-պարզաբանել է Ասլովը: Մայիսի 8-ին Մոսկվայում ՌԴ, Հայաստանի, Բելառուսի, Ղազախստանի և Ղրղզստանի միության առաջին գագաթնաժողովում ԵՏՄ երկրները որոշում կայացրեցին ԵՏՄ-ին Ղրղզստանի անդամակցության մասին: 2014-ի դեկտեմբերի 23-ին ԵՏՄ անդամ պետությունների ղեկավարները ստորագրեցին ԵՏՄ-ին Ղրղզստանի միանալու մասին պայմանագիրը: Որոշ ժամանակ կողմերին չէր հաջողվում համաձայնության գալ որոշ հարցերում: Ինչպես ավելի վաղ լրագրողներին էր ասել ՌԴ նախագահ Յուրի Ուշակովը, Ղրղզստանը մարտին առաջարկեց որոշ փոփոխություններ կատարել արձանագրություններում, «որոնք տրամաբանական չեն թվում միության անդամներին»: Ղրղզստանի կառավարությունը մայիսի 4-ին հավանություն տվեց Եվրասիական տնտեսական միությանը (ԵՏՄ) անդամակցելու վերաբերյալ պայմանագրի արձանագրությունների նախագծերին: Ղրղզստանի նախագահ Ատամբաևը հաստատեց, որ ԵՏՄ-ին անդամակցության փաստաթղթերը ստորագրվել են: «Մենք, անշուշտ, կստորագրենք փաստաթղթերը, հետադարձ ճանապարհ չկա»,-ասել է Ատամբաևը Խորհրդի նիստում: Հայաստանը ԵՏՄ-ին անդամակցելու համաձայնագիրը կնքեց 2014-ի հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի Հայաստանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտների իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև ապրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13 տոկոսը: ԵՏՄ կենտրոնակայանը լինելու է Մոսկվայում, ֆինանսական կանոնակարգողը՝ Ալմաթիում, իսկ ԵՏՄ դատարանը՝ Մինսկում: Բելառուսը նաև իրավունք է ստացել նախագահելու միությունում 2015 թ.: Ընթացիկ տարում միությանը կարող է միանալ նաև Ղրղզստանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |