ՀԲ. Էներգետիկայի մարտահրավերներին դիմակայելու համար ՀՀ-ն պետք է 5 քայլ ձեռնարկի16 հունիսի 2015 - 18:50 AMT PanARMENIAN.Net - Հայաստանի կառավարությունը պետք է հիմնական 5 քայլ կատարի էներգետիկայի ոլորտում առկա մարտահրավերներին դիմակայելու համար, հունիսի 16-ին ասել է Համաշխարհային բանկի երևանյան գրասենյակի ղեկավար Լորա Բեյլին` ներկայացնելով հանրապետության էներգետիկ քաղաքականության ՀԲ ուսումնասիրությունը։ Այդ քայլերի թվում նա նշել է արտադրական հզորությունների ավելացումը, սակագների կառուցվածքի վերանայումը, էլեկտրահաղորդիչ ցանցի հիմնական ակտիվների վերականգնումն ու հիմնանորոգումը, էներգետիկ ընկերությունների ֆինանսական առողջացման ծրագրի իրականացումը, շատ աղքատ տնային տնտեսությունների պաշտպանությունը, գրում է ԱՌԿԱ-ն: «Չնայած ենթակառուցվածքներում զգալի ներդրումներին, այդ թվում` ՀԲ–ի կողմից, մենք չենք ցանկանում ուշադրությունից դուրս թողնել, որ Հայաստանում կան վերականգնվող էներգիայի բազմաթիվ աղբյուրներ»,– ավելացրել է Բեյլին: ՀԷՑ-ը դիմել է ՀԾԿՀ՝ էլէներգիայի սակագինը վերանայելու հայտով: Ըստ այդմ, առաջարկվում է 1 կՎտժ սակագինն ավելացնել մոտ 17 դրամով: Ներկայիս գործող 41,85 դրամ ցերեկային ու 31,85 դրամ գիշերային սակագինն առաջարկվում է դարձնել համապատասխանաբար 58.93 և 48.93 դրամ: ՀԲ–ի էներգետիկ ոլորտի ավագ պատասխանատու Արթուր Կոչնակյանն իր հերթին նշել է, որ Հայաստանի էներգետիկ ոլորտի առաջին մարտահրավերը երկարաժամկետ հեռանկարում բավարար էլեկտրամատակարարման ապահովումն է կանխատեսվող պահանջարկի բավարարման համար։ «Մեր վերլուծությունները վկայում են այն մասին, որ առաջիկայում Հայաստանին անհրաժեշտ են լրացուցիչ արտադրական հզորություններ` էլեկտրաէներգիայի պակասից խուսափելու համար։ Շատ կարևոր է առաջիկա 3-4 տարիների ընթացքում շահագործման հանձնել ջերմային նոր էներգաբլոկը, քանի որ մեր հետազոտություններով` դա պետության համար նվազագույն տնտեսական ծախսն է»,– ասել է նա։ Փորձագետը նաև նշել է տնտեսության խթանման համար էլեկտրաէներգիայի սակագների կառուցվածքի հետագա օպտիմալացման անհրաժեշտությունը։ «Մեր կարծիքով` դա գուցե մի փոքր կզսպի պիկ ժամերին էլեկտրաէներգիայի պահանջարկի աճը»,– ավելացրել է նա։ Ըստ Կոչնակյանի՝ բնակչության վրա թանկացման ազդեցությունը կարելի է կրճատել ընտանեկան նպաստների համակարգի միջոցով։ Փորձագետը նաև անդրադարձել է էներգետիկ հատվածում ֆինանսական իրավիճակի բարելավման հրատապ միջոցառումների իրագործման անհրաժեշտությանը։ Մասնավոր ընկերությունների մասով, ըստ նրա, անհրաժեշտ է շտապ իրականացնել ֆինանսական առողջացման ծրագիր, մասնավորապես, կրճատել ոչ նպատակային ծախսերը, փորձել վերակառուցել «թանկ» վարկերը, շտկումներ կատարել կարգավորման ոլորտում` բաշխիչ ընկերության մասով ֆինանսական բարդությունների կրկնությունից խուսափելու համար։ Հայաստանի Հանրային ծառայությունները կարգավորող հանձնաժողովի նախագահ Ռոբերտ Նազարյանը հայտարարել է, որ ՀԷՑ-ի հայտը չի մերժվի. նախատեսվում է սակագնի բարձրացում 6.93 դրամով յուրաքանչյուր կՎտ ժամի դիմաց, որոնցից 2.4 դրամը կուղղվի էլեկտրաէներգիայի արտադրող կայաններին և սպասարկող կազմակերպություններին, իսկ 4.24 դրամը` բաշխիչ ցանցերին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |