Samsung-ը ներկայացրել է իր ամենաբարակ սմարթֆոնը16 հուլիսի 2015 - 14:03 AMT PanARMENIAN.Net - Samsung հարավկորեական ընկերությունը ներկայացրել է Galaxy A8 նոր սմարթֆոնը հատուկ Չինաստանի և Սինգապուրի շուկաների համար: Գաջեթի հաստությունն ընդամենը 5,9 մմ է, ինչը Samsung-ի առաջատար Galaxy S6 Edge-ի հաստության 85 տոկոսից էլ քիչ է: Այսպիսով, այսօրվա դրությամբ դա ընկերության ամենաբարակ սմարթֆոնն է: Չնայած ֆիզիկական չափերի սահմանափակումներին` հարավկորեացի ինժեներներն այնուամենայնիվ կարողացել են սմարթֆոնում նախատեսել համեմատաբար մեծ ծավալի 3050 մԱժ մարտկոց, 16-մեգապիկսելանոց տեսախցիկ, որը, սակայն, մի փոքր դուրս է մնում կորպուսի հետին մասից: Նվազագույնի հասցնելու համար գրպանում հեռախոսի հնարավոր ճկման ռիսկը, Samsung-ը մետաղյա կորպուս է նախատեսել Galaxy A8-ի համար: Նորույթի մյուս առանձնահատկություններից է մատնահետքերի սկաները, 4G մոդուլը և բարձր հստակության (1080p) OLED դիսփլեյը 5,7 դյույմ տրամագծով: Նշվում է նաև, որ Qualcomm Snapdragon 615 8-միջուկանի պրոցեսորի առկայությունը, 2ԳԲ օպերատիվ հիշողությունը և 16 ԳԲ ներքին կուտակիչի համար: Ֆրոնտալ տեսախցիկն ունի 5 մեգապիկսելի ցուցիչ: Galaxy A8-ի արժեքը մոտ 515 դոլար է (246 հազար դրամ ընթացիկ փոխարժեքով), սակայն հայաստանցի գնորդները կարող են ձեռք բերել գաջեթը միայն առցանց խանութներից: Սակայն Galaxy A8-ը շուկայում առկա ամենաբարակ սմարթֆոնը չէ: Չինական ընկերություններն առաջարկում են ավելի կոմպակտ սարքեր Android օպերացիոն համակարգի հիման վրա: Օրինակ, Gionee Elife S5.1-ը 5,1 մմ հաստությամբ, Oppo R5-ը` 4,85 մմ հաստությամբ և Vivo X5 Max-ը` 4,75 մմ հաստությամբ: Samsung Group-ը հարավկորեական ընկերություն է, որը հիմնվել է 1938 թվականին: Համաշխարհային շուկայում հայտնի է որպես բարձր տեխնոլոգիական բաղադրիչների, հեռահաղորդակցային սարքավորումների, կենցաղային տեխնիկայի, աուդիո- և տեսասարքերի արտադրող: Գլխավոր գրասենյակը գտնվում է Սեուլում: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի Վարչապետը կատակել է` կուզեր, որ Հայաստանը 2024–ին դառնա ԵՄ անդամ Մոդերատորը վարչապետին հարցրել է, թե ո՞ր թվականին կցանկանար տեսնել Հայաստանի անդամակցումը Եվրոպական Միությանը |