Իրանը նոտա է հղել Թուրքիային. Պատճառն իր քաղաքացիներին սպառնացող վտանգն է20 օգոստոսի 2015 - 15:47 AMT PanARMENIAN.Net - Իրանի արտգործնախարարության կովկասյան հարցերի վարչության պետ Մուրթազա Մուրադիյանը բողոքի նոտա է հղել Թեհրանում Թուրքիայի դեսպան Ռըզա Հաքան Թեքինին: Պատճառը վերջին շրջանում Թուրքիայի տարածքում Իրանի քաղաքացիների և իրանական համարանիշներով բեռնատարների դեմ պարբերաբար իրականացվող զինված հարձակումներն են և ահաբեկչությունը: Իրանի կառավարությունը պահանջել է Թուրքիայից ավելի շատ ջանքեր գործադրել՝ Թուրքիայում Իրանի քաղաքացիների անվտանգությունն ապահովելու հարցում, Իրանի պետական İRNA լրատվական գործակալությանը հղումով գրում է Ermenihaber.am-ը: Գործակալությունը նաև տեղեկացնում է, որ ստեղծված իրավիճակի պատճառով Իրանում Թուրքիայի դեսպան Թեքինին երկրորդ անգամ կանչել են ԱԳՆ: Առային անգամ դեսպանին կանչել էին Թուրքիայում Իրանի քաղաքացու սպանության դեպքի առթիվ: Օգոստոսի 13-ին Իրանի և Թուրքիայի ամենամեծ Գյուրբուլուք-Բազարգան սահմանային անցակետը Իրանի կողմից միակողմանիորեն փակվել է: Սահմանային անցակետի փակումը կապված է օգոստոսի 11-ին Թուրքիայի տարածքում գրոհայինների հարձակումների հետ: չնայած անցակետի միակողմանի փակմանը, Թուրքիայի բեռնատարները կարող են մուտք գործել Իրան: Իրանի ճանապարհաշինության և քաղաքաշինության փոխնախարար Դավուդ Քեշավերզիյանը Թուրքիայում իրանական մեքենանարի վրա իրականացված հարձակումների կապակցությամբ հանդիպել և իր մտահոգությունն է հայտնել Իրանում Թուրքիայի արտակարգ և լիազոր դեսպան Ռիզա Հաքան Թեքինի հետ: Իրանի ԱԳ նախարար Ջավադ Զարիֆը հետաձգել է օգոստոսի 11-ին նախատեսված այցը Թուրքիա: Այցի հետաձգման պատճառը չի հստակեցվում: Թուրքիան հուլիսի 24-ին ռազմական գործողություն է սկսել Սիրիայում ԻՊ գրոհայինների և Հյուսիսային Իրաքում Թուրքիայում արգելված Քրդստանի աշխատավորական կուսակցության (ՔԱԿ) գրոհայինների դեմ: «Հուլիսի 24-ին արդյունավետ ավիահարվածներ են հասցվել ՔԱԿ ահաբեկչական կազմակերպության դիրքերին Իրաքի հյուսիսում: Ոչնչացվել են գրոհայինների ճամբարներն և զենքի պահեստներ: Գրոհի են ենթարկվել նաև ԻՊ դիրքերը Սիրիայի հյուսիսում»,-ասվում է Թուրքիայի կառավարության հայտարարության մեջ: Հուլիսի 29-ին պայթեցվեց Քիրկուկ-Յումուրթալիկ նավթամուղը, որով Թուրքիա էր առաքվում իրաքյան նավթը: Պայթեցվել է նաև Իրան-Թուրքիա գազամուղը, որը Թուրքիայի իշխանությունները սաբոտաժ են համարում: Քուրդ գրոհայինները հարձակումներ են իրականացրել ոստիկանության բաժանմունքների վրա Էրզրումում, Մուշում, Վանում: Կան զոհեր: Իրավիճակը Թուրքիայում սրվեց հուլիսի 20-ի ահաբեկչությունից հետո, որին 32 մարդ զոհ գնաց Սիրիային սահմանակից Սուրուչ քաղաքում: Անկարան ու Թեհրանը լուրջ տարաձայնություններ ունեն Սիրիայի ապագայի հարցում: Թուրքիան կտրականապես դեմ է իշխանության գլուխ Ասադի մնալուն: Իսկ Իրանը հնարավոր է համարում դա` գտնելով, որ սիրիական ճգնաժամը կարելի է հաղթահարել գործող ղեկավարության մասնակցությամբ: Սակայն, կողմերը համակարծիք են, որ առաջնային խնդիրը Սիրիայի ներսում ահաբեկչական սպառնալիքի չեզոքացումն է: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին |