Apple-ը ներկայացրել է Android-ի համար նախատեսված առաջին հավելվածը18 սեպտեմբերի 2015 - 14:33 AMT PanARMENIAN.Net - iOS 9 նոր օպերացիոն համակարգի հետ միաժամանակ Apple-ը Google Play Store-ում տեղադրել է Move to iOS անվճար հավելվածը, որը պարզեցնում է անցումը Android-ից iOS: Հավելվածի օգնությամբ տեղափոխվում են կոնտակտները, հաղորդագրությունները, լուսանկարները, տեսանյութերը, հեղինակային իրավունքի պաշտպանության տեխնիկական միջոցներից զուրկ մեդիաբովանդակությունը: Հավելվածն առաջարկում է ավտոմատ կերպով ներբեռնել Android-ի համար նախատեսված անվճար հավելվածների iOS-տարբերակները և կարող է առաջարկել նմանատիպները, եթե iOS-ում դրանք չկան: Move to iOS-ը հավելում է նաև վճարովի հավելվածների iOS-տարբերակները կամ դրանց անալոգները օգտատերի ցանկալի ցուցակում: Մասնագետները պարզել են, որ Android-ի համար Apple-ի առաջին հավելվածը մշակել էր ոչ թե Կուպերտինոյում գործող այդ ընկերությունն, այլ ամերիկյան արտադրողն ուղղակի պատճենել էր բրիտանական Media Mushroom ընկերության արդեն գոյություն ունեցող Copy My Data հավելվածը: Բրիտանական ընկերությունը մասնագիտացած է սմարթֆոնների, պլանշետների, համակարգիչների և Mac-ի տվյալների ներդաշնակեցման ոլորտում: Դա է մատնանշում հավելվածների ելքային ծածկագիրը: Իսկ Move to iOS-ի միակ տարբերությունը Copy My Data-ից Apple-ի արտոնագրային համաձայնության առկայությունն է և Media Mushroom-ի օգտատիրական ինտերֆեյսի տարրերի անհետացումը, որոնց փոխարեն Apple-ը հավելել է սեփական դիզայներական լուծումները: Անշուշտ, Apple-ը հազիվ թե գնար հեղինակային իրավունքի նման կոպիտ ոտնահարման, և, հավանաբար, ձեռք է բերել հեղինակից օգտագործման և Copy My Data-ի վերանվանման իրավունքը, ինչն անուղղակի կերպով հաստատում է Media Mushroom-ի պաշտոնական կայքում առկա տեղեկությունը, ըստ որի համագործակցություն կա խոշոր կորպորացիաների հետ: Apple ընկերության iOS 9 նոր օպերացիոն համակարգը սեպտեմբերի 16-ից՝ Երևանի ժամանակով 21:00-ի դրությամբ, հասանելի է ներբեռնման համար: Ինչպես հայտարարել են ընկերությունում, նոր հարթակը եզակի և օգտակար գործառույթներ ունի: Մասնավորապես, iOS 9-ը Proactive վիրտուալ թվային օգնական ունի, որն աշխատում է Google Now սկզբունքով: Proactive-ը ցույց կտա հավելվածներն ու կոնտակտները կախված ժամանակից և տեղակայման վայրից, օրինակ, եթե սմարթֆոնի օգտատերը հաճախ է զանգահարում մի քանի կոնտակտների նույն ժամերին կամ առավոտյան է բացում Feedly-ին: Այն նաև ցույց կտա հիշեցումները, որոնում թույլ կտա բնական լեզվով և հավելվածների ներսում: Օրինակ, Spotlight-ը թույլ կտա բաղադրատոմսեր, աֆիշներ գտնել: Proactive կարելի է մտնել սվայփով դեպի ձախ: Apple-ը խոստացել էր առավել արդյունավետ դարձնել iOS 9-ը սմարթֆոնների հին մոդելներում և պլանշետներում: Թարմացումը հնարավոր է iPhone 4s-ից սկսած և ավելի նոր մոդելներից, ինչպես նաև iPad 2-ից և ավելի նոր մոդելներից: Օրինակ, բետա թեստավորման փուլում թարմացման համար հարկավոր էր ներբեռնել 1,3 Գբ տվյալներ: Համեմատության համար` մինչև iOS 8 թարմացման դեպքում պահանջվում էր 4,58 ԳԲ: Իսկ մարտկոցի խնայողության նոր ռեժիմը iOS-ում թույլ կտա սմարթֆոնին անջատվելուց առաջ հավելյալ 3 ժամ աշխատել: iOS 9-ի համար բազում մանրուքներ են փոխել: Օրինակ, Helvetica Neue սիստեմային տառատեսակը փոխել են San Francisco Display-ի, որն առաջին անգամ հայտնվեց Apple Watch-ում: Նաև հավելել են կարգաբերումների որոնում, փոխել են հավելվածների միջև միացման էկրանը, Siri վիրտուալ թվային օգնականի դիզայնը, թույլատրել են ընտրել կողքի կոճակի գոծառույթը` կամ ձայնի անջատում, կամ Rotation Mode: Մեծ թարմացումներ ունեն Note, Passbook և Maps հավելվածները, ավելացել է նաև iCloud առանձին հավելվածը: Առաջինը կկարողանա աջակցել նկարների, լուսանկարների, ցանկերի և քարտեզների հետ աշխատանքին, հաշվի առնելով հասարակական տրանսպորտի երթևեկությունն ԱՄՆ-ում, Չինաստանում և Եվրոպայի մի շարք քաղաքներում: Իսկ Wallet-ում` նախկին Passbook, հավելվել են վարկային և դեբետային քարտերը Apple Pay-ին միանալու համար, զեղչերի քարտերը, մշտական գնորդի քարտերն ու տոմսերը և այլն: iOS 9-ում iPad Air 2-ի համար հավելել են QuickType, Split View և Slide Over գործառույթներ, այլ պլանշետներում այս գործառույթները չեն լինի: Առաջինի օգնությամբ կարելի է ստեղնաշարը վերածել թրեկփադի` երկու մատի օգնությամբ, երկրորդը թույլ է տալիս աշխատել նույն էկրանի վրա 2 հավելվածի հետ, երրորդը հարկավոր է մեկ հավելվածում աշխատելու համար` միաժամանակ էկրանին այլ հավելվածի վիջեթը տեսնելու հնարավորությամբ: iPad Air 2-ը «պատկերը պատկերում» ռեժիմ կունենա, որը թույլ կտա, օրինակ, տեսանյութ նայել մեկ այլ հավելվածի վրայից: Ինչ վերաբերում է նոր օպերացիոն համակարգին watchOS 2 «խելացի» ժամացույցի համար, ապա նրա թողարկումը հետաձգվել է հայտնաբերված սխալի պատճառով: OS X-ի համար նախատեսված El Capitan թարմացումը կթողարկվի սեպտեմբերի 30-ին, իսկ watchOS 2-ի թողարկման ժամկետը դեռ հայտնի չէ: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |