Հունգարիայի խորհրդարանը թույլատրել է «ոչ մահաբեր» զենք կիրառել ներգաղթյալներին «զսպելու» համար22 սեպտեմբերի 2015 - 12:14 AMT PanARMENIAN.Net - Հունգարիայի խորհրդարանը հավանություն է տվել մի օրենքի, որով թույլատրվում է բանակին ներգրավել ներգաղթյալների ճգնաժամի հանգուցալուծման գործընթացում: Ավելի վաղ Հունգարիայի խորհրդարանը զգալիորեն խստացրել էր միգրացիոն օրենսդրությունը`որպես պատիժ ազատազրկումը սահմանելով երկրի սահմաններն ապօրինի հատելու համար: Միգրանտների չվերահսկվող հոսքը կասեցնելու նպատակով Հունգարիան արդեն փշալարերով փակել է Սերբիայի հետ սահմանը, նույնանման պատնեշ կառուցվում է Խորվաթիայի հետ սահմանին: Տարեսկզբից Հունգարիա է մուտք գործել մոտ 200 հազար ներգաղթյալ, որոնց շարքերն ամեն օր համալրվում են հազարավոր նոր փախստականներով, որոնք ձգտում են հասնել Եվրամիության երկրներ, առաջին հերթին Գերմանիա: ՄԱԿ Փախստականների գծով գերագույն հանձնակատարի վարչության Կենտրոնական Ասիայում տարածաշրջանային ներկայացուցիչ և տարածաշրջանային համակարգող Բերնարդ Դոյլը կարծիք է հայտնել, որ Ռուսաստանն ու Կենտրոնական Ասիայի երկրները կարող են զգալի օգնություն ցուցաբերել Եվրոպայում փախստականների հետ կապված իրավիճակում: «Կենտրոնական Ասիայի երկրները կարող են կարևոր դեր ունենալ այս իրավիճակում»,-ասել է նա: Ըստ Դոյլի, որն Աստանայում մասնակցում է Փախստականների պաշտպանության և միջազգային միգրացիայի ալմաաթյան գործընթացի բարձրագույն պաշտոնյաների երկրորդ հանդիպմանը, Կենտրոնական Ասիայի երկրները «տեխնիկական փորձաքննություն ունեն փախստականների հարցերի լուծման վերաբերյալ, ինչը ևս կարող է օգտակար լինել Եվրոպայի երկրներին օգնելու հարցում», հայտնում է ՏԱՍՍ-ը: Ինչպես նշել է պաշտոնյան, Ռուսաստանը «ևս կարող է հարցի լուծման ուղիներ առաջարկել»: «Ռուսաստանը ԱԽ մշտական անդամ է և կարևոր միջազգային դերակատար: Եվ Ռուսաստանը, ինչպես և մյուս երկրները, ևս պատասխանատու է խնդիրը հայտանբերելու և պատճառը վերացնելու հարցում»,-ասել է նա: Դոյլը վստահություն է հայտնել, որ բուն ՌԴ և Կենտրոնական Ասիայի համար Եվրոպայից փախստականների ներհոսքի վտանգ չկա: «Պատմականորեն ապացուցված է, որ փախստականների ճգնաժամ կարող է առաջանալ ամենուր և երբ ասես: Անկախության առաջին տարիներին Կենտրոնական Ասիայի երկրներն ընդունում էին հարյուր հազարավոր փախստականների: Նույնը ճշմարիտ է նաև ՌԴ դեպքում, որը բավականին հեռու է այն երկրներից, որտեղից գալիս է փախստականների հիմնական հոսքը»,-ասել է Դոյլը: Մինչդեռ Ֆրանսիայի ԱԳ նախարար Լորան Ֆաբիուսը Le Soir-ում հրապարակված հարցազրույցում հայտարարել է, որ ժամանակն է խոստովանել, որ Եվրամիությունը չի կարող ընդունել բոլոր տնտեսական միգրանտներին: «Ժամանակն է ազնվորեն ասել, որ ԵՄ-ն չի կարող բաց պահել դռները բոլոր տնտեսական ներգաղթյալների համար»,-ասել է Ֆաբիուսը: Ֆրանսիան սատարում է Եվրահանձնաժողովի առաջարկին` «անվտանգ պետությունների» եվրոպական ցանկի ստեղծման վերաբերյալ, որտեղ չկան ռազմական հակամարտություններ: Այդ երկրներից ներգաղթող բոլոր փախստականները կորակվեն որպես տնտեսական միգրանտներ, այն դեպքում, երբ փախստականի կարգավիճակ կշնորհվի այն երկրների քաղաքացիներին, որտեղ ռազմական հակամարտություն կա: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |