Թուրքիան խոցել է Սիրիայի կողմից երկրի օդային տարածքը խախտած անօդաչու սարքը

16 հոկտեմբերի 2015 - 15:39 AMT

PanARMENIAN.Net - Սիրիայի կողմից Թուրքիայի օդային տարածքը խախտած ինքնաթիռը գրոհի է ենթարկվել և խոցվել է թուրքական ՌՕՈւ կողմից: Այդ մասին ասվում է Թուրքիայի ԶՈւ Գլխավոր շտաբի հայտարարության մեջ, հայտնում է ՌԻԱ Նովոստին:

«Հոկտեմբերի 16-ին Թուրքիայի օդային տարածքում` թուրք-սիրիական սահմանին հայտնաբերվել է ինքնաթիռ, որի պետական պատկանելությունն անհյատ է: Եռակի զգուշացումից հետո այն շարունակել է թռիչքը Թուրքիայի օդային տարածքում: Մեր ինքնաթիռները, որոնք պարեկում էին սահմանը, սպառնալիքների արձագանքման կանոնների շրջանակում կրակ են բացել և խոցել են ինքնաթիռը»,-ասվում է փաստաթղթում:

Գլխավոր շտաբը նշել է, որ երկրի օդային տարածքի խախտումներն առաջիկայում ևս վճռականորեն կասեցվելու են: Մինչդեռ թուրքական NTV հեռուստաալիքը հայտնում է, որ թուրքական ՌՕ ուժերը անհայտ անօդաչու թռչող սարք են խոցել:

Թուրքիայի ԱԳ փոխնախարար Ալի Քեմալ Այդինը հայտարարել էր, որ ռուսական ռազմական ինքնաթիռները երկու անգամ խախտել են մեր օդային տարածքը, 3 ռուսական ինքնաթիռ վտանգավոր գործողություններ է իրականացրել թուրքական ինքնաթռիների անմիջական հարևանությամբ»:

2014-ի մարտին այն ժամանակ դեռևս Թուրքիայի վարչապետ Էրդողանը հայտարարեց, որ ՀՕՊ թուրքական ուժերը սիրիական ռազմական ինքնաթիռ են խոցել Սիրիայի հետ սահմանին: Ըստ Էրդողանի, սիրիական ինքնաթիռը խախտել է ր Թուրքիայի օդային սահմանը:

Ըստ Սիրիայի մարդու իրավունքների դիտորդական խորհրդի, թուրքական ՀՕՊ-երը կրակ են բացել սիրիական կործանիչների ուղղությամբ այն ժամանակ, երբ նա գրոհում էր Լաթակիայում գտնվող թիրախները: Ինքնաթիռն հրկիզվել է ու ընկել Սիրիայի տարածքում: Թուրքիայի գործողություները աղբյուրն անվանել էր «անսքող ագրեսիա»:

Հղումներ թեմայով.

http://ria.ru/world/20151016/1303015586.html

http://www.reuters.com/article/2015/10/16/us-mideast-crisis-turkey-warplane-idUSKCN0SA15K20151016

http://www.gazeta.ru/politics/news/2015/10/16/n_7780145.shtml