ԵՏՄ կանոնակարգով սննդամթերքի արտադրության պահանջներն ավելացել են21 հոկտեմբերի 2015 - 13:46 AMT PanARMENIAN.Net - 2016-ի հունվարի 2-ից արտադրողների ու ներկրողների համար կգործեն միայն ԵՏՄ տեխնիկական կանոնակարգերը: Եթե ներազգային օրենքները հակասություններ ունենան այդ կանոնակարգերի հետ, կգործեն ԵՏՄ կանոնակարգերը: Այս մասին հայտնել է ԳՆ Սննդամթերքի անվտանգության ծառայության պետի տեղակալ Լուսինե Դավթյանը: «Կանոնակարգերը արտադրական պրոցեսներին, ապրանքին ներկայացվող պարտադիր պահանջներն են, դրանցով սահմանվում են ընթացակարգերը, գրանցման համար պարտադիր պայմանները, ցուցանիշները, չափանիշները», - ասել է Դավթյանը, գրում է Panorama.am-ը: Օրինակ, եթե սննդամթերքի արտադրության դեպքում կանոնակարգը սահմանում է, թե ինչպիսի նվազագույն շենքային պայմաններ պետք է լինեն, արտադրությունը ի՞նչ պայմանների պետք է համապատասխանի, եթե սննդամթերքը միս, մսամթերքն է, ապա ԵՏՄ կանոնակարգերով ավելանում է ևս մի քանի պահանջ: Դավթյանի խոսքով՝ արտադրողների վրդովմունքը պայմանավորված է պիտակավորման փոփոխությամբ. «Արտադրողները պիտակ, փաթեթավորում պետք է փոխեն, իսկ դա ռեբրենդինգ է նշանակում: Դա ցանկացած տնտեսվարողի համար ցնցում է»: ԵԱՏՄ անդամ երկրներ են Ռուսաստանը, Հայաստանը, Ղազախստանը, Բելառուսը, Տաջիկստանը: Նրա խոսքով՝ այս ամենին պատրաստվելու համար հայ արտադրողները մեկ տարի ժամանակ են ունեցել: «ԵՏՄ կանոնակարգերի գործելու դեպքում հայ արտադրողն արտահանման համար լրացուցիչ ծախսեր չի կատարելու, նույն արտադրանքն է լինելու: Մակրոտնտեսական տեսանկյունից այն ձեռնտու է, իսկ միկրոյի դեպքում դիմադրության է հանդիպում», - նկատել է Դավթյանը: ԵԱՏՄ անդամ երկրներ են Ռուսաստանը, Հայաստանը, Ղազախստանը, Բելառուսը, Տաջիկստանը: ԵՏՄ-ն գործում է 2015-ի հունվարի 1-ից: Հայաստանը ԵՏՄ-ին անդամակցելու համաձայնագիրը կնքեց 2014-ի հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի Հայաստանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտների իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև ապրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13%-ը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |