Օբաման կոչ է արել Թուրքիային դուրս բերել զորքն Իրաքից19 դեկտեմբերի 2015 - 13:19 AMT PanARMENIAN.Net - ԱՄՆ նախագահ Բարաք Օբաման կոչ է արել Թուրքիայի նախագահ Ռեջեփ Թայիփ Էրդողանին հարգել Իրաքի տարածքային ամբողջականությունն ու ինքնիշխանությունը և հատուկ միջոցներ ձեռնարկել մեղմելու համար լարվածությունը, այդ թվում` դուրս բերել զորքն Իրաքից: Այս մասին հայտնել է Սպիտակ տունը երկու նախագահների հեռախոսազրույցից հետո, հայտնում է ՌԻԱ Նովոստին: «Նախագահը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ` քննարկելու համար վեճը Թուրքիայի և Իրաքի միջև հյուսիսային Իրաքում թուրքական զորքերի տեղակայման շուրջ: Նախագահը կոչ է արել Էրդողանին լրացուցիչ միջոցներ ձեռնարկել մեղմելու համար լարվածությունն Իրաքի հետ հարաբերություններում, այդ թվում, դուրս բերելով զորքն Իրաքից»,-ասվում է հաղորդագրության մեջ: Օբաման նաև հորդորել է Թուրքիային հարգել Իրաքի ինքնիշխանությունն ու տարածքային ամբողջականությունը, ասվում է հաղորդագրության մեջ: Առաջնորդները պայմանավորվել են դիվանագիտական ջանքեր գործադրել ԱՄՆ, Թուրքիայի, Իրաքի կողմից` նվազեցնելու համար լարվածությունն ու համակարգելու գործողություններն «Իսլամական պետության» դեմ պայքարում: Մինչդեռ Իրաքը դիմել է ՄԱԿ ԱԽ` խնդրելով Թուրքիայի «օկուպացիան և ներխուժումը դատապարտող բանաձև» ընդունել և պարտավորեցնել Անկարային անհապաղ դուրս բերել իր զինուժը: Դեկտեմբերի 18-ի երեկոյան ՄԱԿ ԱԽ-ն իրաքյան կողմի հարցումով նիստ է անցկացրել: Նիստում Իրաքի ԱԳՆ ղեկավար Իբրահիմ ալ Ջաֆարին խնդրել է Խորհրդին կատարել «օրինական միջազգային պարտավորությունները» և ընդունել «հստակ և պարզ բանաձև»: Դեկտեմբերի 4-ին թուրքական իշխանությունները 130 զինվորական են գործուղել Մոսուլի շրջան` վարժեցնելու համար իրաքցի քրդերի մարտիկներին: Զորակազմում ներգրավվծ է նաև զրահատեխնիկա: Բաղդադը գնահատել է դա որպես Իրաքի ինքնիշխանության խախտում: «Թուրքիայի զինված ուժերը, որոնք տեղակայված էին Մոսուլի հարևանությամբ, ներխուժել են երկիր առանց համաձայնեցման և պետք է անհապաղ դուրս բերվեն»,-ասվում էր Իրաքի վարչապետի հայտարարության մեջ: Դեկտեմբերի 12-ին Իրաքը դիմեց ՄԱԿ ԱԽ` պահանջելով անհապաղ դուրս բերել թուրքական զորքերն իր տարածքից` համարելով զորքի ներկայությունն իր տարածքում միջազգային նորմերի խախտում: Թուրքիայի նախագահ Ռեջեփ Թայիփ Էրդողանն Իրաքի հյուսիս թուրքական զորքերի ներխուժման կապակցությամբ ՄԱԿ Անվտանգության խորհրդին դիմելու Իրաքի որոշումն անվանել է «անազնիվ քայլ»: Թուրք վարչապետ Ահմեդ Դավութօղլուն դեկտեմբերի 11-ին հայտարարեց, որ Թուրքիայի իշխանությունները կքննարկեն Իրաքի իշխանությունների հետ Իրաքում թուրքական զորակազմի վերակազմավորման հարցը: Ըստ ԱԳ նախարար Չավուշօղլուի, թուրքական զորքերի տեղակայմանն Իրաքի այդ արձագանքը պայմանավորված է նաև «այլ երկրների դերակատարությամբ»` չնշելով որևէ երկիր: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |