AP. Մինչև 2017-ի մարտը Վաշինգտոնը չի ակնկալում Ասադի հրաժարականը 7 հունվարի 2016 - 12:28 AMT PanARMENIAN.Net - Վաշինգտոնը չի ակնկալում, որ Ասադը հրաժարական կտա Սիրիայի նախագահի պաշտոնից մինչր 2017-ի մարտը, հայտնում է Associated Press-ը՝ Օբամայի վարչակազմի կազմած իրադարձությունների զարգացման հիմնարար սցենարի նախագծի վրա հղումով: Գործակալությունը նշում է, որ եթե իրադարձությունները զարգանան հենց այդ սցենարով, Օբաման կհեռանա իր պաշտոնից Ասադի պաշտոնանկությունից 2 ամիս առաջ, իսկ Ասադի պաշտոնանկության պահանջի վերաբերյալ Օբամայի առաջին հայտարարությունից արդեն 5 տարի անցած կլինի: 2017-ի մարտին Վաշինգտոնն ակնկալում է նաև, որ Սիրիայում իշխանությունից կհեռանա նաև Ասադի մերձակա շրջապատը: Վաշինգտոնում կազմած ժամանակացույցը հիմնված է ՄԱԿ հավանությունը ստացած սիրիական կարգավորման ծրագրի վրա, որը նախորդ տարվա նոյեմբերին քննարկվել է Վիեննայում: Այդ ծրագրով նախատեսվում է, որ 2017-ի օգոստոսին Սիրիայում կանցնեն խորհրդարանական և նախագահական ընտրություններ, իսկ մինչ այդ երկիրը կկառավարի ժամանակավոր կառավարությունը: Վիեննայում Սիրիայի գծով հանդիպմանը պայմանավորվածություն է ձեռք բերվել հրադարարի անհրաժեշտության և այն մասին, որ հարկավոր է շարժվել սահմանադրության փոփոխության և ընտրությունների անցկացման ճանապարհով: Թե ինչպես տեղի կունենա Ասադի պաշտոնանկությունը, Սպիտակ տան ծրագրում չի ասվում: Ինքը Սիրիայի նախագահը հրաժավել է հեռանալ պաշտոնից, քանի դեռ երկրում պահպանվում է ահաբեկչական սպառնալիքը, հայտնում է Վեդոմոստին: Մինչդեռ Սիրիայի նախագահ Բաշար Ասադը բացառել է քաղաքական իշխանափոխության հնարավորությունը երկրում մինչ «ահաբեկչությանը հաղթելը»: Ինչպես հայտարարել է Ասադը իտալական Rai հեռուստաալիքին տված հարցազրույցում, «քաղաքական դաշտում ոչ մի բանի չի կարելի հասնել, քանի դեռ ահաբեկիչների տիրապետության տակ են Սիրիայի շրջաններից շատերը»: Ըստ նրա, ահաբեկիչներին հաղթելուց հետո ցանկացած իշխանափոխության համար բավական կլինի 1,5-2 տարի, լինի դա նոր սահմանադրության ընդունում, հանրաքվեի անցկացում, խորհրդարանի ընտրություններ կամ «ցանկացած այլ ընթացակարգ նախագահական կամ այլ մակարդակով»: Հղումներ թեմայով. Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Փաշինյան․ Սահմանազատումով վերարտադրվում է ՀՀ պետսահմանը, զիջում անվանելն անտրամաբանական է Նա նշել է, որ 1991–ի դրությամբ դե-յուրե գոյություն ունեցող սահմանները Հայկական ԽՍՀ-ի և Ադրբեջանական ԽՍՀ-ի միջև սահմաններն են Փաշինյան․ Պապ թագավորն այլևս չի սպանվելու՝ ինչ վեղար էլ հագնեն, քանի կգ-անոց խաչ էլ դոշներից կախեն Նա ասել է, որ այսօրվա ՀՀ–ն Պապ թագավորի երազանքի իրագործումն է Հայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը: Սերժ Սարգսյան․ Վերադառնալու ցանկություն չունենք՝ կսատարենք Բագրատ սրբազանի առաջարկած վարչապետի թեկնածուին Նա հայտարարել է, որ իրենք ամբողջովին սատարում են այս շարժմանը |