Թուրքիայում ձերբակալում են քրդական հարցը խաղաղ լուծելու կոչին միացած գիտնականներին15 հունվարի 2016 - 13:13 AMT PanARMENIAN.Net - Թուրքական Քոջաելի գավառի դատախազությունն արտոնել է 21 գիտնականի ձերբակալությունը, որոնք ստորագրել են իշխանություններին ուղղված կոչը երկրի հարավ-արևելքում բռնությունը դադարեցնելու հորդորով: 12-ն արդեն ձերբակալվել է, հայտնել է Аnadolu գործակալությունը: Ավելի վաղ 1128 թուրք և արտասահմանցի հայտնի գիտնականներ ստորագրել են «Մենք մաս չենք դառնա այդ հանցագործությանը» կոչը` հորդորելով թուրքական իշխանություններին «դադարեցնել կոտորածն ու սպանդը» երկրի հարավ-արևելքում և վերադառնալ բանակցությունների սեղանի մոտ քրդական խնդրի խաղաղ կարգավորման համար: Կոչը ստորագրածների թվում են նաև համաշխարհային ճանաչում ունեցող գիտնականներ` լեզվաբան Նոամ Հոմսկին, աշխարհագրագետ Դևիդ Հարվին, սոցիոլոգ Իմանուիլ Վալլերսթայնը և մյուսները: Թուրքիայի նախագահ Ռեջեփ Թայիփ Էրդողանը «տգետ է» անվանել ուղերձը ստորագրած գիտնականներին, իսկ Թուրքիայի կրթության բարձրագույն խորհուրդը հայտարարել է, որ միջոցներ կձեռնարկի թուրք գիտնականների դեմ, որոնք ստորագրել են փաստաթուղթը: Ուղերձը ստորագրած թուրք գիտնականները մեղադրվում են «թուրք ժողովրդին, թուրքական պետությունը, կառավարութունը, խորհրդարանն ու դատրանը հրապարակավ նվաստացնելու» և «ահաբեկչական կազմակերպության օգտին քարոզելու մեջ», հայտնում է ՌԻԱ Նովոստին: Մինչդեռ Թուրքիայում լրագրողները հանդես են եկել հայտարարությամբ՝ աջակցություն հայտնելով թուրք ակադեմիկոսների «Հանուն խաղաղության» նախաձեռնությանը: CNN-ի թուրքական ծառայության տեղեկատվության համաձայն՝ հայտարարությունում մասնավորապես ասված է.«Մենք աջակցում ենք խաղաղության համար պայքարող այն գիտնականներին, ովքեր հայտարարել են, որ «հանցակից չեն լինելու»: Նրանք ցանկանում են, որ վերջ դրվի բախումներին և վերսկսվի բանակցությունների գործընթացը: Մենք կարծում ենք, որ մարդու իրավունքների, մտքի և խոսքի ազատության առումով վտանգավոր է Թուրքիայի ապագան կերտողներին թիրախ դարձնելը: Որպես խաղաղություն ցանկացող լրագրողներ՝ մենք հայտարարում ենք, որ զորակցում ենք «հանցակից լինել» չցանկացող գիտնականներին և ցանկանում լրատվությամբ զբաղվել ոչ թե պատերազմական, այլ խաղաղ պայմաններում», հայտնում է Ermenihaber-ը: Թուրքիայի իշխանությունները պարետային ժամ են սահմանել քրդաբնակ մի շարք բնակավայրերում, մասնավորապես Դիարբեքիրի Սուր շրջանում, Շիրնակ գավառի Ջիզրե և Սիլոպի բնակավայրերում, Մարդինի որոշ հատվածներում, որտեղ շարունակվում են ուժայինների և գրոհայինների բախումները: Հակաահաբեկչական գործողությանը մասնակցում է մոտ 10 հազար զինվորական և ոստիկան: Թուրքիայի ՌՕՈւ կործանիչները հուլիսի 24-ից գրոհում են Թուրքիայի հարավ-արևելքում և Իրաքի հյուսիսում գտնվող ՔԱԿ դիրքերը: ՔԱԿ և Թուրքիայի միջև հարաբերությունները կտրուկ սրվեցին Սուրուչ քաղաքում հուլիսի 20-ի ահաբեկչությունից հետո, երբ 32 մարդ զոհվեց, հիմնականում քրդեր: ՔԱԿ զինյալները մեղադրեցին Թուրքիայի իշխանություններին իսլամիստներին աջակցելու մեջ: ՔԱԿ-ը հայտարարեց զինված պայքարի վերսկսման մասին, քանի որ թուրք իրավապահները խախտել են հրադադարի մասին պայմանավորվածությունը: ՔԱԿ գրոհայինները գրեթե ամեն օր հարձակումներ են գործում տարբեր օբյեկտների վրա Թուրքիայում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |