ՄԱԿ. Ջիզրեում խաղաղ բնակիչների հրետակոծումը հանցագործություն է 2 փետրվարի 2016 - 15:14 AMT PanARMENIAN.Net - Թուրքիան պետք է մանրակրկիտ կերպով հետաքննի երկրի հարավ-արևելքում` Ջիզրե քաղաքում մի խումբ խաղաղ բնակիչներին տանկերից հրետակոծելու հանգամանքները: Հարձակումը քաղաքացիական անձանց վրա հանցագործություն է, հայտարարել է ՄԱԿ մարդու իրավունքների գծով գերագույն հանձնակատար Զեյդ Ռահադ ալ Հուսեյնը, հայտնում է ՌԻԱ Նովոստին: Հանձնակատարը նաև «լուրջ մտահոգություն է հայտնել» օպերատոր Ռեֆիկ Թեկինի ձերբակալության, որը նկարահանել է գնդակոծությունը, ինչպես նաև կալանավայրում երկու այլ հայտնի լրագրողների գտնվելու ծանր պայմանների վերաբերյալ: «Ոճրագործությունը տեսանկարահանելը հանցագործություն չէ, սակայն անզեն քաղաքացիական անձանց վրա կրակելն, անկասկած, հանցագործություն է»,-ասել է հանձնակատարը: Ըստ Ալ Հուսեյնի, Թուրքիան պետք է «անկախ ու անաչառ հետաքննություն սկսի» այդ դեպքի, նաև խաղաղ բնակիչների սպանության այլ դեպքերի առնչությամբ: Վերոնշյալ տեսագրությունը «լուրջ հարցեր է առաջ քաշում այն մասին, թե ինչ է կատարվում Ջիզրայում և Թուրքիայի հարավ-արևելյան մյուս շրջաններում, որոնք, ենթադրաբար, կտրված են արտաքին աշխարհից զինվորականների օգնությամբ»: «Մոտ 10 օր առաջ Ջիզրեում նկարահանված Թեկինի կադրերը շոկ են առաջացնում: Մի խումբ անզեն մարդիկ, որոնց առաջնորդում են սպիտակ դրոշներով տղամարդ և կին, և որոնք, ըստ հաղորդագրությունների, սայլով զոհվածների մարմիններն էին տեղափոխում: Նրանց հետևում էին տանկերը: Հենց որ նրանք անցան ճանապարհը, հրետակոծության տակ հայտնվեցին, իսկ Թեքինը շարունակում էր նկարահանել, թեև տեսախցիկի վրա արյան կաթիլներ հայտնվեցին…Ամենակարևորը, երբ դիտեք տեսանյութը, ձայնը ամբողջ հզորությամբ միացրեք, ..դա սարսափելի է»,-պատմել է Ալ Հուսեյնը: Թուրքիայի իշխանությունները պարետային ժամ են սահմանել քրդաբնակ մի շարք բնակավայրերում, մասնավորապես Դիարբեքիրի Սուր շրջանում, Շիրնակ գավառի Ջիզրե և Սիլոպի բնակավայրերում, Մարդինի որոշ հատվածներում, որտեղ շարունակվում են ուժայինների և գրոհայինների բախումները: Ավելի վաղ Amnesty International իրավապաշտպան կազմակերպությունը զեկույց էր հրապարակել, որտեղ ասվում է, որ Թուրքիայի կառավարության գործողությունները երկրի քրդաբնակ շրջաններում անմիջական «սպառնալիք են մոտ 200 հազար մարդու կյանքին և կարող են դիտարկվել որպես հավաքական պատիժ», որի կիրառումն արգելված է Ժնևի 1949թ. օգոստոսի 12-ի կոնվենցիայով: Բնակչության շրջանում հարցման միջոցով կազմակերպության աշխատակիցներին հաջողվել է պարզել, որ քրդերի կոմպակտ բնակության վայրերում հաճախ «շուրջօրյա պարտեային ժամ» է հայտարարվում կամ դադարեցվում է բոլոր սոցիալական ծառայությունների աշխատանքը: Ականատեսները պատմել են, որ որոշ բնակիչներ «արդեն մեկ ամսից ավելի է, չեն կարողանում լքել տները` զրկված լինելով ջրից, սնունդից և բուժօգնությունից: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» |