Բելգիան ժամանակավորապես դուրս է եկել Շենգենի համաձայնությունից24 փետրվարի 2016 - 17:50 AMT PanARMENIAN.Net - Փետրվարի 23-ին Բելգիան հայտարարել է, որ ժամանակավորապես վերականգնում է հսկողությունը Ֆրանսիայի հետ սահմանին` դիմակայելու համար ներգաղթյալների հոսքին, որոնք հեռանում են Լա Մանշի թունելի մոտ գտնվող Կալեի փախստականների ճամբարից: Այդ մասին հայտնել է Բելգիայի ՆԳՆ ղեկավար Յան Յամբոնը: «Մենք տեղեկացրել ենք Եվրահանձնաժողովին, որ ժամանակավորապես նահանջում ենք Շենգենից»,-հաստատել է Յամբոնը Բրյուսելում կայացած մամուլի ասուլիսում ԶԼՄ-ների արդեն հրապարակված լուրը: Վերահսկողությունը հաստատվել է արդեն փետրվարի 22-ին, լրացուցիչ ստորաբաժանումներ են գործուղվել դաշնային և տեղի ոստիկանության խառը կազմով` ավելի քան 250 մարդ: Ապօրինի ներգաղթյալներից շատերը, թունելի միջոցով Անգլիա հասնելու հույսը կորցրած, որոշել են փորձել բախտը Զեբրյուգգե նավահանգստում, որն ակտիվ ծովային հաղորդակցություն ունի Մեծ Բրիտանիայի հետ: Նրանք լքում են «Կալեի ջունգլիները», ինչպես հաճախ անվանում են քանդման ենթակա այդ դժվար կառավարվող փախստականների ճամբարը, և փորձում են Բրիտանիայի ափերին հասնել ապօրինի ծովային ճանապարհով, գրում է Forbes-ը: Բելգիայի իշխանությունները մտավախություն ունեն, որ այժմ «ջունգլիները» կարող են տեղափոխվել Բելգիայի ափամերձ տարածքներ: «Անհրաժեշտ է խուսափել տնտեսական ցանկացած հետևանքներից (ներգաղթյալների հոսքից) ափամերձ տարածքների և Զեբրյուգգե նավահանգստի համար»,-ասել է Յամբոնը: Խոսքը ռազմավարական կետերում մշտական հսկողության մասին է, որոնք հայտնի են իրավապահներին որպես մաքսանենգների կամ միգրանտների անցման ուղիներ ֆրանս-բելգիական սահմանով: «Դա կտևի այնքան, որքան կպահանջվի»,-ասել է ԱԳ նախարարը: Ավելի վաղ ԵՄ երկրների արդարատության և ներքին գործերի նախարարները Հաագայում արտահերթ հանդիպումից հետո դիմել էին Եվրահանձնաժողովին` խնդրելով օրենսդրական միջոցներ ձեռնարկել, որոնք թույլ կտան երկրներին կասեցնել միգրանտների ներհոսքը: Մասնավորապես, ԵՄ անդամ երկրների ներկայացուցիչները ավելի բարձր աստիճանի հսկողություն են պահանջել իրենց պետական սահմաններին: Ըստ գործող կանոնների, Շենգենի գոտու երկիրը կարող է փակել իր սահմանները մինչև 6 ամիս ժամանակով, սակայն Հաագայի հանդիպմանը նախարարները խոսել են այդ ժամկետը մինչև 2 տարի ավելացնելու մասին: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |