Հայոց բանակի հաղթանակը փոխել է Հայաստանի մասին պատկերացումը այլ ժողովուրդների մոտ29 հունվարի 2007 - 13:53 AMT PanARMENIAN.Net - Հայոց բանակի գոյության 15 տարիները պայմանականորեն կարելի է երեք փուլերի բաժանել: Այդ մասին Երեւանում հայտարարել է ՀՀ պաշտպանության նախարար Սերժ Սարգսյանը` Հայոց բանակի 15-ամյակին նվիրված տոնական միջոցառմանը: «Առաջին փուլը` 1989 փետրվար-1992: Հայ-ադրբեջանական լարվածության պայմաններում Հայաստանի եւ Լեռնային Ղարաբաղի անվտանգության ապահովումը կարեւորագույն խնդիր դարձավ: Դա հայ կամավորների շրջանն է` քաջարի ֆիդայինների, որոնք բարձր են պահել հայ զինվորի պատիվն ու արժանապատվությունը դարերի ընթացքում: Պատահական չէ, որ կամավորական ջոկատները կրում էին անցյալի հռչակավոր զինվորականների անունները` «Զորավար Անդրանիկ», «Արաբո», «Նիկոլ Դուման»: Այդ ռոմանտիկ տղաներից շատերին գիտեին միայն ռազմական մականուններով, որոնք նրանք կրում են արժանապատիվ եւ հպարտությամբ: Դա տարերային պատերազմի եւ անկազմակերպվածության շրջանն էր: Մինչ դեռ, իրավիճակը այլ մոտեցում էր թելադրում: Երկրորդ փուլ. 1992 հունիս- 1994 մայիս: Հայաստանը Լեռնային Ղարաբաղի հետ, ներգրավվելով Ադրբեջանի դեմ դժվարին պատերազմի մեջ, կործանված տնտեսությամբ, սոված, ազգային բանակ էր ստեղծում, դրա հետ կապելով իր ապագան: ԶՈՒ նորաստեղծ ջոկատները պատրաստությունից հետո հաշված օրերի ընթացքում ուղեվորվում էին ճակատ: Այսօր մենք հպարտությամբ կարող ենք ասել, որ բանակի կառուցման հարցում մենք մի փոքր առաջ ենք Ադրբեջանից: Եւ հենց այդ «մի փոքր»-ը փոխեց պատերազմի ընթացքը եւ նախանշեց մեր հաղթանակը: Իր ոբերգություններով հայտնի հայ ժողովուրդը այլ որակներով հանդես եկավ. պայքարող, ամուր եւ վճռական ժողովրդավարության կառուցման հարցում: Հենց այդ փուլում իրենց նարդրումն ունեցան նրանք, ովքեր, չունենալով ռազմական պատրաստություն, դարձան զինվորական հենց ռազմի դաշտում: Նրանցից շատերը զոհվեցին, ոմանք հաշմանդամ վերադարձան, մյուսները լրացրեցին բանակի շարքերը մինչեւ հաղթական ավարտ:Եւ, վերջապես, վերջին փուլը. 1994 թվականից մինչ օրս: Դա բանակի կառուցման փուլն է: Մեր գլխավոր նշանաբանը դարձավ բանակի մարտունակության բարձրացումը, զորքերի տարբեր տեսակների կայուն զարգացումը, միջին եւ բարձագույն սպայական անձնակազմի մակարդակի բարձրացումը, կարգապահության ամրապնդումը, բանակ-հասարակություն կապի ամրապնդումը, զինծառայողների կենցաղային պայմանների բարելավումը: Բանակը հանդես է գալիս որպես ժամանակակից ռազմա-պաշտպանական համակարգ, որը գտնվում է ձեւավորման եւ կատարելագործման փուլում»,- ասել է պաշտպանության նախարարը: Նա նաեւ նկատել է, որ պատերազմը ցույց է տվել, որ ժամանակակից բանակը պահանջում է պրոֆեսիոնալ եւ հիմնարար կրթություն: «Մեզ կարդրեր էին հարկավոր: Եւ մեկը մյուսի ետեւից ծնվեցին տարբեր զինվորական ուսումնարաններ, Վազգեն Սարգսյանի անվան ռազմական ինստիտուտը եւ այլոք: Մինչ օրս այդ հաստատությունները պատրաստել են ավելի քան 4400 զինվոր: Միեւնույն ժամանակ սպայական կադրերը նաեւ պատրաստվում են արտերկրում, մասնավորապես, Ռուսաստանում եւ Հունաստանում ավարտել են եւ շարունակում են սովորել 1630 կուրսանտ»,- ընդգծել է Սեժ Սարգսյանը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |