Թուրքիայում նոր թափ են ստանում գյուլենականների հետապնդումները18 ապրիլի 2016 - 12:15 AMT PanARMENIAN.Net - ԱՄՆ-ում բնակվող թուրք ընդդիմադիր գործիչ Ֆեթուլլահ Գյուլենի շարժման դեմ գործողությունների շրջանակում Թուրքիայի ոստիկանությունը Ստամբուլում 88 ձերբակալություն է իրականացրել: Ձերբակալվածներին կասկածում են երկրում արգելված շարժման հետ կապեր ունենալու մեջ, հայտնում է Anadolu գործակալությունը: Ձերբակալվածներին նաև կասկածում են փողերի լվացման և հարկերից խուսափելու մեջ: 2015-ի դեկտեմբերին Գյուլենի շարժման դեմ գործողությունների արդյունքում Թուրքիայում ձերբակալվել է ավելի քան 10 բարձրաստիճան ոստիկան, հայտնում է «Թրեդն» գործակալությունը: 2011-ին Ստամբուլի դատախազությունը գործողություն սկսեց Salam կազմակերպության դեմ, որը Թուրքիայում ահաբեկչական է համարվում: Ըստ Էրդողանի, Գյուլենը ձգտում է տապալել թուրքական կառավարությունը: Գյուլենի կողմնակիցների գործողություններով է Էրդողանը բացատրում 2013-ի ցույցերը, թուրքական ղեկավարության գաղտնալսումները և աղմկահարույց հակակոռուպցիոն գործունեությունը 2013-ի դեկտեմբերին: Ստամբուլի դատախազությունը մեղադրական եզրակացություն էր ներկայացրել Գյուլենի և նրա կողմնակիցների դեմ` նրանց սպառնում է 11,5-ից մինչև 34 տարվա ազատազրկում: Էրդողանը, որն այն ժամանակ վարչապետ էր, մեղադրեց Գյուլենին, որ հենց նրա շարժման ներկայացուցիչներն են կանգնած հեռախոսազրույցների գաղտնալսման ետևում: Նա կոչ արեց Գյուլենին չմիջամտել Թուրքիայի ներքին գործերին և մեղադրեց ԱՄՆ-ին նրան սատարելու մեջ: Էրդողանը նաև ասել է, որ Գյուլենն արտահանձնվելու է ԱՄՆ-ից, սակայն ԱՄՆ-ն հրաժարվում է դա անել: 2016-ի սկզբից ի վեր Թուրքիան Գյուլենին պատկանող մի շարք ընդդիմադիր լրատվամիջոցներ է փակել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |