Չափազանց մեծ հետաքրքրության պատճառով ընդլայնվել է միջոցառումների ցուցակը Ֆրանսիայում Հայաստանի տարվա շրջանակներում

PanARMENIAN.Net - Ֆրանսիայում Հայաստանի Տարվա միջոցառումները հաջող են անցնում եւ բարձր մակարդակով: Այդ մասին ուրբաթ լրագրողներին հայտնել է Հայաստանի նախագահի օգնական, Ֆրանսիայում Հայաստանի Տարվա համակարգող Վիգեն Սարգսյանը: «Ֆրանսիայում Հայաստանի Տարվա միջոցառումների ծրագիրը շատ հարուստ է, սակայն չափազանց մեծ հետաքրքրությունը հաշվի առնելով, ծրագրված միջոցառումների ցուցակը, որոնք անցնելու են Ֆրանսիայի ավելի քան 100 քաղաքներում, ընդլայնվել է 500-ից 600»,- ասել է Վ. Սարգսյանը: Նա նշել է, որ արդեն գործում են Փարաջանովի եւ Սարյանի ստեղծագործությունների, Հայաստանի 12 մայրաքաղաքների ճարտարապետական ժառանգության, Գյումրի հայկական քաղաքի հնագիտական ժառանգության ցուցահանդեսները, որոնք հսկայական հաջողություն են ունենում:



«Մեծ հետաքրքրություն է առաջացրել նաեւ Հայաստանի Սարդարապատի Ազգագրության պետական թանգարանի նյութերի ցուցահանդեսը, ինչպես նաեւ հայկական ծագում ունեցող հայտնի ծովանկարիչ Հովհաննես Այվազովսկու աշխատանքների ցուցահանդեսը, որը ներկայացված է Փարիզի ծովային թանգարանում` Էյֆելյան աշտարակի հարեւանությամբ»,- ասել է Վ. Սարգսյանը: Ծրագրված միջոցառումների շարքում, Ֆրանսիայում Հայաստանի Տարվա համակարգողն անվանել է մարտին Լիոնում եկեղեցական հագուստի եւ կահ-կարասու ցուցահանդեսի անցակցումը, հնագույն ձեռագրերի հայկական պահոց «Մատենադարանի» «Գրի կախարդանքը» ցուցահանդեսը, ինչպես նաեւ ժամանակակից արվեստի չորս ցուցահանդսների անցկացումը, որոնցից առաջինը բացվելու է փետրվարի 21-ին Նիցայում: «Ուշագրավ է, որ ցուցահանդեսին մասնակցելու են ոչ միայն Հայաստանի ժամանակակից նկարիչները, նաեւ հայ նկարիչներ ողջ աշխարհից»,- ասել է նա:



Սարգսյանը նաեւ հայտնել է, որ փետրվարի վերջում ծրագրված է տեղեկատվական տեխնոլոգիաների շուրջ կոնֆերանս անցակցնել, ուր հայ կազմակերպությունները կկարողանան ներկայացնել իրենց գործնեությունը եւ բարելավել գործնական շփումները, հաղորդում է «Նովոստի-Առմենիան»: